மூளை வறுவல்

தேவையான பொருட்கள்:

1. மூளை - 2
2. வெங்காயம் - 1
3. இஞ்சிபூண்டுபேஸ்ட்-1 ஸ்பூன்
4. தக்காளி-1
5. மிளகுத்தூள் - 1 ஸ்பூன்
6. மஞ்சள் தூள் -1/4 ஸ்பூன்
7. மிளகாய்த்தூள்- 1/2 ஸ்பூன்
8. தனியாதூள்- 1 ஸ்பூன்
9. கரம் மசாலா தூள் - 1/4 ஸ்பூன்
10. எண்ணெய் -5ஸ்பூன்
11. உப்பு - 1 ஸ்பூன்
12. கொத்தமல்லி-சிறிது

செய்முறை:

1. ஒரு கடாயில் எண்ணெய் விட்டு சூடானதும் பொடியாக நறுக்கிய வெங்காயம் சேர்த்து நன்கு வதக்கவும்.
2. வெங்காயம் வதங்கியதும் இஞ்சிபூண்டுபேஸ்ட் சேர்த்து வதக்கவும்.
3. பின் பொடியாக நறுக்கிய தக்காளி சேர்த்து வதக்கவும்.
4. தக்காளி நன்கு வதங்கியதும் அதில் மஞ்சள்தூள், மிளகாய்த்தூள், தனியாதூள், கரம் மசாலா தூள்,உப்பு சேர்த்து கிளறவும்.
5. பின் அதில் நன்கு சுத்தம் செய்த மூளையை சேர்த்து வேகவிடவும்.பாதி வெந்ததும் மிளகுதூள் சேர்த்து நன்கு கிளறவும்.
6. சிறு தீயில் வைத்து 2 ஸ்பூன்எண்ணெய் விட்டு நன்கு சுருள வறுக்கவும்.
7. மூளைவறுவல் ரெடியானதும் கொத்தமல்லி தூவி பரிமாறவும்.

குறிப்பு:

குழந்தைகள் விரும்பி உண்ணுவார்கள்.அவர்களுக்கு சாப்பிட எளிதாக இருக்கும்.