செட்டிநாடு சிக்கன் தொக்கு

 தேவையான பொருட்கள்:

1. சிக்கன் - 1/2 கிலோ
2. வெங்காயம் - 1
3. தக்காளி-1
4. கருவேப்பிலை- சிறிது
5. உப்பு-1 ஸ்பூன்
6. எண்ணெய்-5 ஸ்பூன்
7. கொத்தமல்லி-சிறிது

வறுத்து அரைக்க:

1. க.மிளகாய் - 6
2. தனியா-1 ஸ்பூன்
3. மிளகு -3/4 ஸ்பூன்
4. பட்டை-2
5. கிராம்பு -2
6. சீரகம்-1/2 ஸ்பூன்
7. சோம்பு-1/4 ஸ்பூன்
8. இஞ்சி-சிறிது
9. பூண்டு-பல்

செய்முறை:

1. கடாயில் க.மிளகாய்,தனியா,மிளகு,பட்டை,கிராம்பு,சீரகம்,சோம்பு சேர்த்து லேசாக வறுக்கவும்.
2. ஆறியதும் இஞ்சி,பூண்டு சேர்த்து மிக்ஸ்யில் நன்கு அரைக்கவும்.
3. ஒரு கடாயில் எண்ணெய் ஊற்றி சூடானதும் கருவேப்பிலை, வெங்காயம் சேர்த்து வதக்கவும்.
4. வெங்காயம் வதங்கியதும் தக்காளி சேர்த்து வதக்கவும்.
5. தக்காளி நன்கு வதங்கியதும் மஞ்சள்தூள்,உப்பு,அரைத்துவைத்த மசாலாவை சேர்த்து 1 நிமிடம் வதக்கி அதில் சுத்தம்செய்து வைத்த சிக்கன் துண்டுகளை சேர்த்து நன்கு வதக்கவும்.
6. சிக்கனை மூடிபோட்டு சிறுதீயில் வைத்து வேகவிடவும், சிக்கனில் இருந்தே தண்ணீர் வரும்.
7. சிக்கன் நன்றாக வெந்ததும்மூடியை திறந்து தொக்கு போல வரும்வரை நன்றாக கிளறவும்.
8. தொக்கு போல வந்ததும் கொத்தமல்லி தூவி கிளறினால் சுவையான செட்டிநாடு சிக்கன் தொக்கு ரெடி.

குறிப்பு:

பொதுவாக, சிக்கன் சமைக்க நல்லெண்ணெய் பயன்படுத்துவது நல்லது. நல்லெண்ணெய் சிக்கன் சுவையை கூட்டுவது மட்டுமல்லாமல் ,அது உடல்சூட்டை தணிக்கும்.