அன்னாசிபழம் கேசரி

தேவையான பொருட்கள் :

1. ரவை – 1 கப்
2. பால் - 1 கப்
3. சர்க்கரை – 1 கப்
4. அன்னாசிபழம்– 1/2 கப்
5. தண்ணீர் – 1 கப்
6. முந்திரி-5
7. திராட்சை - 5
8. நெய் - 6 ஸ்பூன்
9. லெமன்கேசரி கலர் -சிறிது

செய்முறை :

1. ஒரு கடாயில் சிறிதளவு நெய்யை ஊற்றி அதில் ரவையைப் போட்டு பொன்னிறமாக வறுத்து தட்டில் வைத்துக் கொள்ளவும்.
2. பின் சிறிது நெய் ஊற்றி அதில் முந்திரிபருப்பு,திராட்சை போட்டு வறுத்து அதை தனியாக வைத்து கொள்ளவும்.
3. அதே கடாயில் சிறிதாக நறுக்கிய அன்னாசிபழம் சேர்த்து வதக்கி ஒரு கப்பில் எடுத்து கொள்ளவும்.
4. அதே கடாயில் பால், தண்ணீர்,கேசரிகலர் மற்றும் சர்க்கரை சேர்த்து கொதிக்கவிடவும்.
5. பின்னர் கொதித்த உடன் அதில் வறுத்த ரவை,அன்னாசிபழம் போட்டு கிளறவும்.
6. கேசரி கெட்டியானதும் இறக்கி, அதன்மேல் வறுத்த முந்திரி, திராட்சை, 3 ஸ்பூன் நெய் சேர்த்து கிளறவும்.