பொன்னாங்கனி கீரை கூட்டு

தேவையான பொருட்கள் :

1. பொன்னாங்கனி கீரை - 1 கட்டு
2. வெங்காயம் - 1
3. தக்காளி-1
4. பூண்டு - 8 பல் 
5. சிறுபருப்பு - 1 கப்
6. மஞ்சள் தூள் - 1/4 ஸ்பூன் 
7. மிளகாய் தூள் -1 ஸ்பூன் 
8. பெருங்காயம் - சிறிது 
9. எண்ணெய் - 2 ஸ்பூன் 
10. கடுகு - 1/4 ஸ்பூன் 
11. உளுத்தம் பருப்பு- 1/4 ஸ்பூன்
12. சீரகம் - 1/4 ஸ்பூன்

செய்முறை :

1. சிறுபருப்பை கூகேரில் வைத்து ஒரு விசில் விடவும்.
2. கடாயில் எண்ணெய் ஊற்றி சூடானதும் கடுகு,உள்ளுதம் பருப்பு , சீரகம் போட்டு பொரிந்ததும் பொடியாக நறுக்கிய வெங்காயம் சேர்த்து வதக்கவும்.
3. வதங்கியதும் பூண்டை தட்டி போட்டு தக்காளி நறுக்கி சேர்த்து வதக்கவும்.
4. நன்கு வதங்கியதும் பொடியாக நறுக்கிய கீரை சேர்த்து வதக்கி மிளகாய்த்தூள்,மஞ்சள் தூள், உப்பு சேர்த்து வதக்கி 1 டம்ளர் தண்ணீர் ஊற்றி கொத்திக்கவிடவும். 
5. 5 நிமிடம் பின் வேகவைத்த சிறுபருப்பு சேர்த்து தேவையான அளவு தண்ணீர் ஊற்றி கொதிக்க விடவும்.பொன்னாங்கனி கீரை கூட்டு ரெடி.

பீர்கங்காய் கூட்டு

தேவையான பொருட்கள்:

1. பீர்கங்காய் - 2
2. துவரம்பருப்பு-1/4 கப்
3. பாசிபருப்பு-1/2 கப்
4. வெங்காயம்-1
5. தக்காளி-1
6. பச்சைமிளகாய் -2
7. இஞ்சிபூண்டு பேஸ்ட் - 1 ஸ்பூன்
8. சீரகம்- 1/4ஸ்பூன்
9. மஞ்சள்தூள்-1/4 ஸ்பூன்
10. மிளகாய்த்தூள்-1/2 ஸ்பூன்
11. தனியாதூள்-1/2 ஸ்பூன்
12. உப்பு-1/2 ஸ்பூன்
13. எண்ணெய்-2 ஸ்பூன்
14. கருவேப்பிலை-சிறிது
15. கடுகு-1/4 ஸ்பூன்

செய்முறை:

1. cooker வைத்து அதில் பாசிபருப்பு,துவரம்பருப்பு, பச்சைமிளகாய், மஞ்சள்தூள்,1 1/2 கப் தண்ணீர் சேர்த்து 3 விசில் விடவும்.
2. பின் கூகர் திறந்து அதில் தோல் சீவி,கொட்டை நீக்கி வெட்டிவைத்த பீர்கங்காய்,தனியாதூள்,மிளகாய்த்தூள்,உப்பு சேர்த்து 1 விசில் விடவும்.
3. கடாயில் எண்ணெய் ஊற்றி சூடானதும் கடுகு,சீரகம், கருவேப்பிலை சேர்த்து பொரிந்ததும், பொடியாக நறுக்கிய வெங்காயம் சேர்த்து வதக்கவும்.
4. வெங்காயம் வதங்கியதும் இஞ்சிபூண்டு பேஸ்ட் சேர்த்து வதக்கி,தக்காளி சேர்த்து வதக்கவும்.
5. வதங்கியதும் வேகவைத்ததை சேர்த்து 5 நிமிடம் கொதிக்கவிடவும்.
6. பீர்கங்காய் கூட்டு ரெடி.

குறிப்பு:

பீர்கங்காய் தோல் வைத்து துவையல் அரைக்கலாம், அதன் செய்முறை சட்னி பிரிவில் காணலாம்.

அப்பள கூட்டு

தேவையான பொருட்கள் :

1. உருளைகிழங்கு - 2
2. அப்பளம் - 8
3. கடலைபருப்பு - 1 / 2 கப்
4. கடுகு - 1/4 ஸ்பூன்
5. சீரகம் - 1/4 ஸ்பூன்
6. மஞ்சள் தூள் - 1/4 ஸ்பூன்
7. மிளகாய் தூள் - 1 ஸ்பூன்
8. தனியாதூள் - 1/2 ஸ்பூன்
9. உப்பு - 1 ஸ்பூன்
10. வெங்காயம் - 1
11. தக்காளி - 1
12. பூண்டு - 3 பல்
13. கருவேப்பிலை - சிறிது
14. எண்ணெய்- 3 ஸ்பூன்

செய்முறை :

1. ஒரு pressure cooker ரில் கடலை பருப்பு, உருளைகிழங்கு சிறிது மஞ்சள் தூள் சேர்த்து 2 கப் தண்ணீர் உற்றி இரண்டு விசில் விடவும்.
2. கடாயில் எண்ணெய் வைத்து அப்பளத்தை பொரித்து வைக்கவும்.
3. பின் ஒரு பாத்திரத்தில் எண்ணெய் உற்றி சூடானதும் கடுகு, சீரகம், கருவேப்பிலை போட்டு பொரிந்ததும், வெங்காயம், பூண்டு சேர்த்து  வதக்கவும்.
4. வெங்காயம் வதங்கியதும் தக்காளி சேர்த்து வதக்கவும்.
5. நன்கு வதங்கியதும் மஞ்சள் தூள், மிளகாய் தூள், தனியா தூள்,உப்பு சேர்த்து கிளறவும். பின் அதில் வேகவைத்த கடலைபருப்பு வேகவைத்த தண்ணீருடன் , வெந்த உருளைக்கிழங்கு சேர்த்து கொதிக்கவிடவும்.
6. 10 நிமிடம் கொதித்ததும் பொரித்து வைத்த அப்பளம் உடைத்து அத்துடன் சேர்த்து கிளறி பரிமாறவும். காரக்குழம்பு சாதத்துடன் அருமையாக இருக்கும்.

குறிப்பு:

அப்பளத்தை எண்ணெயில் பொரிக்காமல், Microwave வில் 5 அப்பளம் வைத்து 1 நிமிடம் வைத்து எடுத்தாலும் நன்றாக இருக்கும்.