காரட் சாதம்

தேவையான பொருட்கள்:

1. காரட் -5
2. பாஸ்மதி அரிசி-1 கப் 
3. பட்டை-1
4. கிராம்பு-3
5. கரம் மசாலா - 1/2 ஸ்பூன்
6. மிளகாய் தூள்-3/4 ஸ்பூன்
7. மஞ்சள் தூள் - 1/4 ஸ்பூன் 
8. வெங்காயம் -1
9. உப்பு-1/2 ஸ்பூன்
10. எண்ணெய் - 3 ஸ்பூன்

செய்முறை:

1. பாஸ்மதி அரிசியை நன்கு ஒட்டாத படி சாதமாக வடித்து கொள்ளவும்.
2. கடாயில் எண்ணெய் ஊற்றி காய்ந்ததும் பட்டை,கிராம்பு சேர்த்து வதக்கவும் பின் அதில் பொடியாக நறுக்கிய வெங்காயம் சேர்த்து வதக்கவும்.
3. வெங்காயம் வதங்கியதும் துருவிய காரட் சேர்த்து வதக்கவும்.
4. வதங்கியதும் அதில் உப்பு , கரம் மசாலா, மிளகாய்த்தூள்,மஞ்சள் தூள் சேர்த்து கிளறவும்.(அடுப்பை மிதமான தீயில் வைத்துகொள்ளவும்)
5. பின் அதில் வடித்த சாதத்தை சேர்த்து கிளறினால் காரட் சாதம் ரெடி.

மிளகு சாதம்

தேவையான பொருட்கள்:

1. வெங்காயம்-1
2. பச்சை மிளகாய்-3
3. மிளகு-1 ஸ்பூன்
4. கருவேப்பிலை-சிறிது
5. கடுகு-1/4 ஸ்பூன்
6. உளுத்தம்பருப்பு-1/2 ஸ்பூன்
7. உப்பு-3/4 ஸ்பூன்
8. மஞ்சள்தூள்-1/4 ஸ்பூன்
9. வடித்த சாதம்-2 பௌல்
10. எண்ணெய் -3 ஸ்பூன்

செய்முறை:

1. கடாயில் எண்ணெய் ஊற்றி சூடானதும் கடுகு,உள்ளுதம்பருப்பு, கருவேப்பிலை சேர்த்து பொரிந்ததும் மெலிதாக வெட்டிய வெங்காயம், பச்சைமிளகாய் சேர்த்து வதக்கவும்.
2. வெங்காயம் வதங்கியதும் மஞ்சள்தூள்,உப்பு,மிளகுதூள் சேர்த்து கிளறி வடித்த சாதம் சேர்த்து அடுப்பை நிறுத்தவும்.
3. பின் சாதத்தை நன்கு கிளறினால் மிளகு சாதம் ரெடி.

தேங்காய் பால் சாதம்

தேவையான பொருட்கள்:

1. பாஸ்மதி அரிசி-1 கப்
2. வெங்காயம்-1
3. பச்சைமிளகாய்-4
4. இஞ்சிபூண்டு பேஸ்ட்-1 ஸ்பூன்
5. புதினா -சிறிது
6. கொத்தமல்லி-சிறிது
7. பட்டை -2
8. கிராம்பு-2
9. பிரியாணி இலை -2
10. ஏலக்காய்-2
11. உப்பு-3/4 ஸ்பூன்
12. நெய்-4 ஸ்பூன்
13. தேங்காய் பால் - 2 கப்
14. கரம் மசாலா-1/2 ஸ்பூன்

செய்முறை: 

1. பாஸ்மதி அரிசி அரைமணி நேரம் ஊறவைக்கவும் , பின்  கூக்கேரில்  நெய் ஊற்றி சூடானதும் பட்டை,கிராம்பு,ஏலக்காய்,பிரியாணி இலை போட்டு பொரிந்ததும் மெலிதாக வெட்டிய வெங்காயம்,பச்சைமிளகாய் சேர்த்து வதக்கவும்.
2. வெங்காயம் வதங்கியதும் இஞ்சிபூண்டு பேஸ்ட் சேர்த்து வதக்கவும்.
3. பின் அதில் பொடியாக நறுக்கிய கொத்தமல்லி,புதினா சேர்த்து வதக்கவும்.
4. வதங்கியதும் கரம்மசாலா,உப்பு சேர்த்து வதக்கவும்.
5. அதில் ஊறவைத்த பாஸ்மதி அரிசி சேர்த்து 1 நிமிடம் வதக்கி, 2 கப் தேங்காய் பால் சேர்த்து கூகேரை மூடி 2 விசில் விடவும்.
6. ஸ்பெஷல் தேங்காய் பால் சாதம் ரெடி. சிக்கன் கிரேவி ,குருமா வுடன் பரிமாறவும்.

குறிப்பு :

இதே முறையில் electric ரைஸ் கூகேரில் செய்யலாம். 
 

பிசிபெலாபாத்

தேவையான பொருட்கள் :

1. சாதம் - 1 1/2 கப்
2. துவரம் பருப்பு - 3/4 கப்
3. கத்தரிக்காய் - 1
4. காரட் - 1
5. முருங்கைகாய் - 1
6. மஞ்சள் தூள் - 1/4 ஸ்பூன்
7. க. மிளகாய் - 6
8. கடுகு - 2 ஸ்பூன்
9. கருவேப்பில்லை - சிறிது
10. கொத்தமல்லி -சிறிது
11. புளி- சிறிய உருண்டை
12. நெய் - சிறிது
13. உப்பு - 2 ஸ்பூன்

அரைக்க :

1. வெந்தயம் - 1ஸ்பூன்
2. மல்லி தூள் -1ஸ்பூன்
3. மிளகாய் தூள் -1 1/2ஸ்பூன்
4. துருவிய தேங்காய் -4ஸ்பூன்
5. ஏலக்காய் - 2
6. கிராம்பு -4
7. கசகசா - 1ஸ்பூன்
8. பட்டை - சிறிய துண்டு

செய்முறை :

1. பிரஷர் கூகரில் அரிசி, பருப்பு, மஞ்சள் தூள், பெருங்காயம்,காய், எண்ணெய்,  4 கப் தண்ணீர் சேர்த்து 5 விசில்விடவும்.
2. ஒரு கடாய் வைத்து எண்ணெய் உற்றி காய்ந்ததும் அதில் பட்டை, கிராம்பு, துருவிய தேங்காய், கசகசா, வெந்தயம் சேர்த்து ஒரு நிமிடம் வதக்கி அதனுடன் மிளகாய் தூள், மல்லி தூள் சேர்த்து அரைத்து வைக்கவும்.
3. இன்னொரு கடாய் வைத்து 5 ஸ்பூன் எண்ணெய் உற்றி கடுகு, க.மிளகாய் சேர்த்து பொரிந்ததும் அத்துடன் வெங்காயம் போட்டு வதக்கவும்.
4. வெங்காயம் வதங்கியதும் தக்காளி சேர்த்து நன்கு வதக்கி, புளி சாரு மற்றும் அரைத்து வைத்த மசாலாவுடன் 2 கப் தண்ணீர் உற்றி கொதிக்கவிடவும்.
5. கொதித்ததும் வேகவைத்த அரிசி பருப்பு கலவை சேர்த்து கிளறவும்.
6. நன்கு கிளறியதும் அதனுடன் நெய் சேர்த்து பரிமாறவும்.
7. இதை உருளைகிழங்கு வறுவலுடன் சாபிட்டால் சூப்பர்.

வெட்ஜ் புலாவ்

தேவையான பொருட்கள்:

1. வெங்காயம்- 1
2. தக்காளி- 1
3. இஞ்சிபூண்டு பேஸ்ட்- 1 ஸ்பூன்
4. பாஸ்மதி அரிசி- 1 1/2 கப்
5. பச்சைமிளகாய்- 3
6. மிளகாய்த்தூள்- 1/2 ஸ்பூன்
7. கரம் மசாலா- 1/4 ஸ்பூன்
8. பட்டை-2
9. கிராம்பு-2
10. பிரியாணிஇலை-2
11. ஏலக்காய்-2
12. கேரட்-1
13. பீன்ஸ்-8
14. உருளைக்கிழங்கு-1
15. பச்சைபட்டாணி -1/2 கப்
16. புதினா-1/4 கப்
17. கொத்தமல்லி-1/4 கப்
18. தயிர்-4 ஸ்பூன்
19. எண்ணெய்-4 ஸ்பூன்
20. நெய்-1 ஸ்பூன்

செய்முறை:

1. கடாயில் எண்ணெய் ஊற்றி சூடானதும் பட்டை,கிராம்பு,ஏலக்காய், பிரியாணிஇலை சேர்த்து பொரிந்ததும், நீளவாக்கில் வெட்டிவைத்த வெங்காயம் சேர்த்து வதக்கவும்.
2. வெங்காயம் வதங்கியதும் இஞ்சி பூண்டு பேஸ்ட் சேர்த்து வதக்கவும்.
3. பின் அதில் புதினா, கொத்தமல்லி இலை சேர்த்து வதக்கவும்.
4. அதில் தக்காளி சேர்த்து நன்கு குழையும் வரை வதக்கவும்.
5. தக்காளி வதங்கியதும் வெட்டி வைத்த காய்களை சேர்த்து வதக்கவும்.
6. காய் பாதி வெந்ததும் மிளகாய்த்தூள்,கரம் மசாலா தூள்,உப்பு சேர்த்து கிளறவும்.
7. பின் அதில் தயிர் சேர்த்து வதக்கி,3 கப் தண்ணீர் ஊற்றி நன்கு கொதிக்கவிடவும்.
8. கொதிவந்ததும் அதை Electric rice cooker ல் ஊற்றி,நெய்,அரை மணி நேரம் ஊறவைத்த பாஸ்மதி அரிசியை சேர்த்து வேகவிடவும். வெட்ஜ் புலாவ் ரெடி, குருமா அல்லது ரைத்தாவுடன் பரிமாறவும்.

மிளகு சாதம்

தேவையான பொருட்கள் :

1. வெங்காயம் - 1
2. பச்சைமிளகாய் - 2
3. கருவேப்பிலை - சிறிது
4. கடுகு - 1/4 ஸ்பூன்
5. உளுத்தம்பருப்பு -1/2 ஸ்பூன்
6. மிளகுதூள் - 1/2 ஸ்பூன்
7. சாதம் - 2 கப்
8. மஞ்சள் தூள் - 1/4 ஸ்பூன்
9. உப்பு - 1/2 ஸ்பூன்
10. எண்ணெய் - 3 ஸ்பூன்

செய்முறை :

1. கடாயில் எண்ணெய் உற்றி சூடானதும் கடுகு,உள்ளுதம் பருப்பு, கருவேப்பிலை சேர்த்து பொரிந்ததும், நீளவாக்கில் வெட்டிய வெங்காயம், பச்சைமிளகாய் சேர்த்து வதக்கவும்.
2. வெங்காயம் வதங்கியதும் உப்பு, மஞ்சள்தூள்,மிளகுதூள் சேர்த்து வதக்கி அடுப்பை அணைக்கவும்.
3. பின் வடித்த சாதத்தை சேர்த்து நன்கு கிளறினால் சுவையான மிளகு சாதம் ரெடி.

பன்னீர் & பச்சை பட்டாணி புலாவ்

தேவையான பொருட்கள் :

வெங்காயம் - 1

பச்சை மிளகாய் -4

இஞ்சிபூண்டு பேஸ்ட் - 2ஸ்பூன்

உப்பு -2 ஸ்பூன்

பட்டை - 2

கிராம்பு - 2

ஏலக்காய் - 2

பிரிஞ்சி இலை - 2
புதினா - சிறிது

பச்சை பட்டாணி - 1/4 கப்

பொறித்த பன்னீர் துண்டுகள் - 1/4 கப்

கொத்தமல்லி - சிறிது

எண்ணெய்- 4 ஸ்பூன்

நெய் - 2 ஸ்பூன்

பாஸ்மதி அரிசி - 1 கப்

செய்முறை :

1. முதலில்பாஸ்மதி அரிசி அரை மணி நேரம் ஊறவைக்கவும்.
2. Electric Rice cookerல் எண்ணெய் உற்றி அதில் பட்டை, கிராம்பு, ஏலக்காய், பிரிஞ்சி இலை சேர்க்கவும்.
3. அதில் வெங்காயம், பச்சை மிளகாய் சேர்த்து வதக்கவும்.
4. வெங்காயம் வதிங்கியதும் அதில் இஞ்சிபூண்டு பேஸ்ட், புதினா போட்டு வதக்கவும்.
5. பிறகு ஊறவைத்து இருக்கும் பாஸ்மதி அரிசி போட்டு ஒரு நிமிடம் வதக்கி, அதில் பச்சை பட்டாணி, பன்னீர் சேர்த்து உப்பு போட்டு தண்ணீர் 2 1/4 cup தண்ணீர் உற்றி மூடிவைக்கவும்.
6. பின் இறக்கி கொத்தமல்லி தூவி சிக்கன் குருமாவுடன் பரிமாறவும்.

கொடமிளகாய் சாதம்

செய்முறை :

கொடமிளகாய் - 4

முந்தரி பருப்பு - 8
கருவேப்பில்லை - சிறிது
கடுகு - ½ ஸ்பூன்
எண்ணெய் - 4 ஸ்பூன்
க.மிளகாய்- 3
மஞ்சள் தூள் - ¼ ஸ்பூன்
கொத்தமல்லி - சிறிது

பாஸ்மதி அரிசி - 1 1/2 கப்

அரைக்க தேவையானவை:

கடலை பருப்பு - 3 ஸ்பூன்

உளுத்தம் பருப்பு - 2 ஸ்பூன்

பட்டை- 1
முழு தனியா (அ) தனியா தூள் - 2 ஸ்பூன்
சீரகம் - ½ ஸ்பூன்

துருவிய தேங்காய் - 1 ஸ்பூன்

வேர்கடலை- 1 ஸ்பூன்

க.மிளகாய்- 6

செய்முறை :

1. முதலில் வறுத்து அரைக்க வேண்டியவை சிறிது எண்ணெய் விட்டு வறுத்து கொள்ளவும்.ஆறியதும் மிக்ஸ்யில் அரைத்து வைத்து கொள்ளவும் .
2. பாஸ்மதி அரிசி வடித்து நன்றாக ஆறவைத்து கொள்ளவும்.
3. ஒரு கடாயில் எண்ணெய் உற்றி காய்ந்ததும் கடுகு, க.மிளகாய், கருவேப்பில்லை, முந்தரி பருப்பு போட்டு பொன்னிறமாக மாறிய பின் அதில் வெட்டி வைத்த கொடமிளகாய் போட்டு வதக்கவும்.
4. கொடமிளகாய் வேகும்வரி வதக்கி அடுப்பை சிறு தீயில் வைத்து ,அதில் மஞ்சள் தூள்,அரைத்து வைத்த மசாலா தூளை,உப்பையும் போட்டு நன்கு கிளறவும்.
5. பின்பு அதில் ஆறவைத்த சாதத்தை போட்டு கிளறி கொத்தமல்லி இலை தூவி சுவையான கொடமிளகாய் சாதம் ரெடி.

எலுமிச்சை சாதம்

தேவையான பொருட்கள் :

1. எலுமிச்சை பழம் - 2
2. சாதம் - 2 கப்
3. காய்ந்த மிளகாய் - 4
4. கடலை பருப்பு - 1 ஸ்பூன்
5. உளுத்தம் பருப்பு - 1ஸ்பூன்
6. வேர்க்கடலை - 1ஸ்பூன்
7. கடுகு - 1/2ஸ்பூன்
8. மஞ்சள் தூள் - 1/2ஸ்பூன்
9. கறிவேப்பிலை - சிறியது
10. எண்ணெய் - 3ஸ்பூன்
11. உப்பு - 1ஸ்பூன்

செய்முறை :

1. முதலில் எலுமிச்சைபழத்தை பிழிந்து சாறு எடுத்து வைக்கவும்.
2. வாணலியில் எண்ணெய் ஊற்றி சூடானதும் கடுகு, உளுத்தம் பருப்பு, கடலை பருப்பு, வேர்க்கடலை,கறிவேப்பிலை, காய்ந்த மிளகாய் ஆகியவற்றை ஒவ்வொன்றாக சேர்த்து தாளிக்கவும்.
3. பின்பு அதில் எலுமிச்சை சாறு , மஞ்சள் தூள், உப்பு சேர்த்து கொதிக்க விடவும்.
4. நன்கு கொதித்ததும் ஆறிய சாதத்தை போட்டு கிளறவும்.
5. உருளைக்கிழங்கு வறுவலுடன் சாப்பிட அருமையாக இருக்கும்.

புளியோதரை

தேவையான பொருட்கள்:

1. சாதம் - 2 கப்
2. மஞ்சள் தூள் - 1/4 ஸ்பூன்
3. கருவேப்பில்லை- சிறிது
4. உப்பு - 2 ஸ்பூன்
5. புளி - 1 கப் கரைத்தது
6. வேர்கடலை -1 ஸ்பூன்
7. கடுகு - 1/4 ஸ்பூன்
8. கடலை பருப்பு - 1/2 ஸ்பூன்
9. உளுத்தம் பருப்பு - 1/2 ஸ்பூன்
10. எண்ணெய் - 4 ஸ்பூன்

வறுத்து அரைக்க :

1. சீரகம் - 1/2 ஸ்பூன்
2. கடலை பருப்பு - 2 ஸ்பூன்
3. உளுத்தம் பருப்பு - 2 ஸ்பூன்
4. மிளகு - 1/2 ஸ்பூன்
5. தனியா - 1/2 ஸ்பூன்
6. வெந்தயம் - 1/4 ஸ்பூன்
7. க.மிளகாய் - 8

செய்முறை: 

1. வறுத்து அரைக்க வேண்டிய பொருட்களை எண்ணெய் விடாமல் வறுத்து ஆறவிடவும். ஆறியதும் பொடியாகி கொள்ளவும்.
2. பின் ஒரு பாத்திரத்தில் எண்ணெய் விட்டு கடுகு, உளுந்து, கடலை பருப்பு கருவேப்பில்லை, க.மிளகாய், வேர்கடலை சேர்த்து பொரிந்ததும்அதில் கரைத்த புளி தண்ணீர் உற்றி கொதிக்கவிடவும்.
3. நன்கு கொதித்ததும் அரைத்த பொடி, உப்பு சேர்த்து கிளறி இறக்கவும்.
4. பின் வடித்த சாதம் சேர்த்து கிளறவும்.

சக்கரை பொங்கல்

தேவையான பொருட்கள் :

பச்சரிசி  - 1 கப்
சிறுபருப்பு - 1/4 கப் 


வெள்ளம் - 1 1/2 கப்


முந்திரி -10


திராட்சை- 8


நெய் - 5 ஸ்பூன்


ஏலக்காய் - 4


உப்பு - ஒரு சிட்டிகை

செய்முறை :

cookerல் அரிசி,பருப்பு போட்டு 2 கப் தண்ணீர் உற்றி 5 விசில் விடவும்.


ஒரு பாத்திரத்தில் அரை கப் தண்ணீர் உற்றி நுணுக்கிய வெள்ளம் போட்டு கொதிக்க விடவும்.
கொதித்ததும் அதை எடுத்து வெந்த சாதத்துடன் சேர்த்து, ஏலகாய் போட்டு  நன்கு கிளறவும்.


கடாயில் நெய் உற்றி காய்ந்ததும் முந்திரி ,திராட்சையை சேர்த்து வறுத்து அதை கிளறிய சாதத்துடன் போட்டு சூடாக பரிமாறவும்.

முட்டை ஃப்ரைட் ரைஸ்

தேவையான பொருட்கள் :

1. பாஸ்மதிசாதம் - 2 கப் (உதிரியாக)
2. வெங்காயம் - 1
3. கேரட் - 1
4. பீன்ஸ் - 5
5. முட்டை - 2
6. முட்டைகோஸ் - 1/2 கப்
7. சோயா சாஸ் - 1 ஸ்பூன்
8. தக்காளி சாஸ் -1 ஸ்பூன்
9. மல்லி இலை - சிறிது
10. பச்சை மிளகாய் - 2
11. பச்சை பட்டாணி - 1/4 கப்
12. எண்ணெய் - 3ஸ்பூன்
13. உப்பு - 1 ஸ்பூன்
14. மிளகுதூள்- 1 ஸ்பூன் 

செய்முறை :

1. வெங்காயம்,கேரட்,முட்டைகோஸ்,பீன்ஸை சிறிதாக அல்லது  நீளவாக்கில் வெட்டவும்.மிளகாயை சிறியதாக வெட்டவும்.
2. முட்டையை ஒரு கப்பில் கலக்கி வைக்கவும்.
3. ஒரு கடாயில் எண்ணெய் ஊற்றி வெங்காயம்,மிளகாயை போட்டு லேசாக வதக்கவும்.
4. அதனுடன் கேரட்,முட்டைகோஸ் மற்றும் பீன்ஸ் சேர்த்து பாதி வேகும் அளவு வதக்கவும்.
5. வதங்கியதும் அதை ஒரு ஓரமாக கடாயில் ஒதுக்கிவிட்டு முட்டையை ஊற்றவும்.
6. முட்டை வெந்தபின் அதை கொத்திவிட்டு அதில் பட்டாணி,கொத்தமல்லி சேர்த்து வதக்கவும்.
7. பின்பு அதில் தக்காளிசாஸ்,சோயா சாஸ்,உப்பு சேர்த்து கலக்கவும்.இதில் உதிரியாக வேக வைத்துள்ள சாதத்தை போட்டு மிளகுதூள் தூவி பிரட்டி எடுக்கவும்.சுவையான முட்டை ஃப்ரைட் ரைஸ் ரெடி.

குறிப்பு : 


சிக்கன்ஃப்ரைட் ரைஸ் அல்லது இறால்ஃப்ரைட்ரைஸ் வேண்டுமென்றால் அதில் சிக்கன் அல்லது இறால் துண்டுகளை பொரித்து சேர்த்து கிளறவும்.

தேங்காய் சாதம்

தேவையான பொருட்கள் :

• உதிரியாக வடித்த சாதம் - 2 கப்
• எண்ணெய் - 2 ஸ்பூன்
• கடுகு - 1/2 ஸ்பூன்
• உளுத்தம் பருப்பு - 1/2 ஸ்பூன்
• கடலை பருப்பு - 1/2 ஸ்பூன்
• சின்ன வெங்காயம் - 5 பொடியாக நறுக்கியது
• இஞ்சி -சிறிது
• க.மிளகாய் - 4
• கறிவேப்பிலை - சிறிது
• முந்திரிப்பருப்பு - 6 பொடியாக நறுக்கியது
• தேங்காய் துருவல் - 1/2 கப்

செய்முறை : 

எண்ணெயை காயவைத்து அதில் கடுகு, உளுத்தம் பருப்பு,கடலை பருப்பு  சேர்த்து பொரிந்ததும் வெங்காயம், இஞ்சி, க.மிளகாய், முந்திரிப்பருப்பு, கறிவேப்பிலை,தேங்காய் துருவல் சேர்த்து ஒரே ஒரு நிமிடம் வதக்கவும்.


எதுவும் நிறம் மாற தேவையில்லை. பிறகு தீயை அணைத்து விட்டு உடன் சாதம் சேர்த்து கிளறி இறக்கவும்.

வெஜிடபிள் பிரியாணி

தேவையான பொருட்கள் : 

நெய் - 2 ஸ்பூன்
எண்ணெய் - 2 ஸ்பூன்
பாசுமதி அரிசி - 1 1/2 கப்
சோம்பு -1/2 கப்
பட்டை, ஏலக்காய் - 3
வெங்காயம் - 1
மிளகாய் தூள் - 3/4 ஸ்பூன்
மஞ்சள் தூள் - 1/4 ஸ்பூன்'
கரம் மசாலா - 1/4 ஸ்பூன்
தக்காளி - 1
இஞ்சி,பூண்டு பேஸ்ட்- 1/2 ஸ்பூன்
கொத்தமல்லி - சிறிது 


பீஸ், கேரட், பீன்ஸ்,உருளைகிழங்கு பொடியாக நறுக்கியது - 1 கப்

செய்முறை : 

அரிசியை 20 நிமிடம் ஊறவைத்து விடவும். எண்ணெய் ,நெய்யை காயவைத்து சோம்பு, பட்டை, ஏலம் போட்டு பொரிய விட்டு, பிறகு வெங்காயம் சேர்த்து நன்கு வதக்கவும்.
இளம் பொன்னிறமாக வெங்காயம் வதங்கியதும் இஞ்சி, பூண்டு விழுது சேர்த்து வதக்கவும்.
தக்காளி, கொத்தமல்லி சேர்த்து வதக்கவும். தக்காளி நன்கு வதங்கியதும். காய்கறிகளை சேர்த்து ஒரு வதக்கு வதக்கி.மிளகாய் தூள்,மஞ்சள் தூள், கரம் மசாலா,உப்பு சேர்த்து வதக்கி அதனுடன் ஒரு கப்புக்கு 1.5 கப் தண்ணீர் என்ற விகிதத்தில் ஊற்றி கொதிக்க விடவும்.
கொதித்ததும் அரிசியை போட்டு 2 விசில் விடவும்.
சுவையான வெஜிடபிள் பிரியாணி ரெடி.

குறிப்பு :

இதே முறையில் Electric cooker ல் செய்யலாம்.

 

வாங்கி பாத்

தேவையான பொருட்கள் :

1. எண்ணெய் - 2 ஸ்பூன்
2. கடுகு - 1 ஸ்பூன்
3. பெருங்காயம் - சிறிதளவு
4. கறிவேப்பிலை - சிறிது
5. உள்ளுதம்பருப்பு - 1/2 ஸ்பூன்
6. கடலை பருப்பு - 1/2 ஸ்பூன்
7. நீளமான பச்சை கத்தரிக்காய் - 250 கிராம்
8. வடித்த சாதம் - 3 கப்
9. உப்பு - 1 ஸ்பூன்

 

வறுத்து அரைக்க:

1. சீரகம் - 1 ஸ்பூன்
2. பட்டை -2
3. கிராம்பு -2
4. எள்ளு - 2 ஸ்பூன்
5. கசகசா -1 ஸ்பூன்
6. தனியா - 2 ஸ்பூன்
7. காய்ந்த மிளகாய் - 4
8. உளுத்தம் பருப்பு -1 ஸ்பூன்
9. கடலை பருப்பு -1 ஸ்பூன்
10. தேங்காய் துருவல் - 2 ஸ்பூன்

செய்முறை : 

1. அரைக்க கொடுத்துள்ள பொருட்களை எண்ணெய் இல்லாமல் சிவக்க வறுத்து பொடி செய்து வைத்துக் கொள்ளவும்.
2. எண்ணெய் உற்றி காய்ந்ததும் கடுகு,பெருங்காயம், கறிவேப்பிலை, உளுந்து, கடலை பருப்பு.
3. அதில் கடைசியில் கத்தரிக்காயை போட்டு வதக்கவும்.
4. கத்தரிக்காய் வெந்ததும் அரைத்து வைத்துள்ள பொடியை சேர்த்து கிளறவும்.
5. ஆறிய உதிரியான சாதத்துடன் இந்த கலவையை போட்டு நன்கு பிரட்டினால் சுவையான வாங்கி பாத் ரெடி.

கேரட் சாதம்

தேவையான பொருட்கள் :

1. துருவிய கேரட் - ஒரு கப்
2. பச்சை மிளகாய் -3
3. வெங்காயம் - 1
4. கறிவேப்பிலை - சிறிது 
5. கடுகு - 1/2 ஸ்பூன்


உளுத்தம் பருப்பு - 1 ஸ்பூன்
உப்பு - 1 ஸ்பூன்
வடித்தசாதம் - 3 கப்

 செய்முறை :

கடாயில் எண்ணெய் ஊற்றி அதில் கடுகு, உளுத்தம் பருப்பு போட்டு பொரிந்ததும்.
அதனுடன் பொடியாக நறுக்கிய வெங்காயம்,பச்சை மிளகாய் சேர்த்து வதக்கி அதில் துருவிய கேரட்,உப்பு சேர்த்து வதக்கவும்.
நன்கு வெந்ததும் சாதம்,கொத்தமல்லி தூவி கிளறவும்.

தக்காளி சாதம்

 தேவையான பொருட்கள் :

1. தக்காளி - 2
2. வெங்காயம் -1
3. மிளகாய் தூள் - 1 ஸ்பூன்


தனியா தூள் -1 ஸ்பூன்
மஞ்சள் தூள் - 1/4 ஸ்பூன்
உப்பு - 1 ஸ்பூன்
எண்ணெய் - 3 ஸ்பூன்


பச்சை மிளகாய் - 2
கடுகு - 1 ஸ்பூன்
உள்ளுதம்பருப்பு - 1/4 ஸ்பூன்
கடலைபருப்பு - 1/4 ஸ்பூன்
சீரகம் - 1/4 ஸ்பூன்


பூண்டு - 4
சாதம் - 2 கப்

செய்முறை:

1. முதலில் எண்ணெய் உற்றி காய்ந்ததும் கடுகு, உள்ளுதமப்ருப்பு,கடலை பருப்பு, சீரகம் போட்டு பொரிந்ததும். அதில் பச்சை மிளகாய், வெங்காயம், பூண்டு சேர்த்து வதக்கவும்.
2. வெங்காயம் வதங்கியதும் அதில் தக்காளி சேர்த்து வதக்கவும்.
3. பின்பு அதில் மிளகாய் தூள், தனியா தூள், மஞ்சள் தூள், உப்பு சேர்த்து வதக்கி அதில் அரை கப் தண்ணீர் உற்றி பச்சை வாடை போகும் வரை கொதிக்க விடவும்.
4. அதனுடன் வடித்த சாதத்தை போட்டு கிளறவும்.

தேங்காய்பால் சாதம்

தேவையான பொருட்கள்:

1. பாசுமதி அரிசி - 2 கப்
2. தேங்காய் பால் - 2 கப்
3. தண்ணீர் - 1 1/2 கப்
4. வெங்காயம் - 1
5. தக்காளி - 1
6. பச்சை மிளகாய் - 3
7. இஞ்சி பூண்டு விழுது -1 ஸ்பூன்
8. பட்டை - 1
9. கிராம்பு - 3
10. பிரிஞ்சி இலை - 2
11. சோம்பு - 1/4  ஸ்பூன்
12. சீரகம் - 1/4  ஸ்பூன்
13. கரம் மசாலா - 1 ஸ்பூன்
14. கறிவேப்பிலை - சிறிதளவு
15. எண்ணெய் - 3 ஸ்பூன்
16. உப்பு - 1 ஸ்பூன்

செய்முறை :

1. முதலில் எண்ணெய் ஊற்றி காய்ந்ததும் பட்டை, கிராம்பு, பிரிஞ்சி இலை, சோம்பு, சீரகம் போட்டு பின்னர் கறிவேப்பிலை சேர்த்து வதக்கவும்.
2. அடுத்து பொடியாக நறுக்கிய வெங்காயம், நீளவாக்கில் நறுக்கிய பச்சை மிளகாய் சேர்த்து நன்றாக வதக்கவும். 
3. அதனுடன் இஞ்சி பூண்டு விழுது சேர்த்து பச்சை வாசனை போகும் வரை வதக்கவும். பின்னர் தக்காளி, கரம் மசாலா, உப்பு சேர்த்து நன்றாக எண்ணெய் பிரியும் வரை வதக்கவும்.
4. அதனுடன் 2 கப் தேங்காய் பால் சேர்த்து கலக்கவும்.
5. இப்போது பாசுமதி அரிசியை சேர்த்து அதனுடன் 1 1/2 கப் தண்ணீர் சேர்த்து குக்கரில் ஒரு விசில் வரும் வரை வைத்து பின்னர் இறக்கி விடவும்.
6. சுவையான ஈசி தேங்காய் பால் சாதம் ரெடி.