செட்டிநாடு மட்டன் வறுவல்

தேவையான  பொருட்கள் : 

1. மட்டன் -1/2 கிலோ
2. வெங்காயம் - 1
3. தக்காளி - 1
4. மஞ்சள்பொடி - 1/2 ஸ்பூன்
5. மிளகாய் பொடி -1 1/2 ஸ்பூன்
6. தனியா பொடி - 1 ஸ்பூன்
7. வெந்தயம் - 1/2ஸ்பூன்
8. கருவேப்பிலை - சிறிது
9. எண்ணெய் - 4 ஸ்பூன்
10. கொத்தமல்லி-சிறிது
11. உப்பு-1 ஸ்பூன்
12. க.மிளகாய்-3
13. இஞ்சிபூண்டு பேஸ்ட்-2 ஸ்பூன்

வறுத்து அரைக்க:

1. மிளகு - 1ஸ்பூன்
2. சீரகம் - 1ஸ்பூன்
3. சோம்பு - 1ஸ்பூன்
4. பட்டை - 2
5. கிராம்பு - 1
6. தனியா - 1 ஸ்பூன்
7. க.மிளகாய்-2

செய்முறை :

1. ஒரு குக்கரில் மட்டன் சுத்தம் செய்து சிறிது மஞ்சள் தூள், ஒரு ஸ்பூன் எண்ணெய், 1 கப் தண்ணீர் உற்றி 6 விசில் விடவும்.
2. ஒரு கடாயில் மிளகு, சீரகம், சோம்பு,பட்டை,கிராம்பு,தனியா, க.மிளகாய் வறுத்து அரைத்துகொள்ளவும்.
3. கடாயில் எண்ணெய் ஊற்றி சூடானதும்  வெந்தயம்,கருவேப்பிலை, க.மிளகாய்  சேர்த்து பொரிந்ததும் பொடியாக நறுக்கிய வெங்காயம் சேர்த்து வதக்கவும்.
4. வெங்காயம் வதங்கியதும் இஞ்சிபூண்டு பேஸ்ட் சேர்த்து வதக்கவும்.
5. தக்காளி சேர்த்து வதக்கி, அரைத்து வைத்த மசாலாவை போட்டு வதக்கவும்.
6. சிறிது வதக்கி பின் அதில் மிளகாய் தூள், தனியா தூள், மஞ்சள் தூள், உப்பு சேர்த்து வதக்கி, அதில் வேகவைத்த மட்டன் போட்டு நன்கு கொதிக்க விடவும். 
7. தண்ணீர் வற்றி எண்ணெய் மிதந்தவுடன் கொத்தமல்லி தூவி இறக்கவும்.

மட்டன் சுக்கா

தேவையான பொருட்கள்:

1. மட்டன் - 1 /4 கிலோ
2. சின்ன வெங்காயம் - 15
3. தக்காளி - 1
4. கரம் மசாலா - 1 1/2 ஸ்பூன்
5. இஞ்சிபூண்டு பேஸ்ட்-1ஸ்பூன்
6. மிளகாய்தூள்- 2 ஸ்பூன்
7. மிளகுதூள்- 1 ஸ்பூன்
8. உப்பு - 3/4 ஸ்பூன்
9. எண்ணெய்- 5 ஸ்பூன்
10. கடுகு-1/4 ஸ்பூன்
11. கருவேப்பிலை - சிறிது

செய்முறை:

1. முதலில் சின்ன வெங்காயம் , தக்காளியை மிக்ஸ்யில் அரைத்துக்கொள்ளவும்.
2. குக்கரில் மட்டன்,கரம்மசாலா,உப்பு,மிளகாய்த்தூள்,1 ஸ்பூன் எண்ணெய் சேர்த்து 5 விசில்விடவும்.
3. பின் அடுப்பில் கடாய்வைத்து எண்ணெய் ஊற்றி சூடானதும் கடுகு,கருவேப்பிலை சேர்த்து பொரிந்ததும்,அரைத்து வைத்துள்ள சின்ன வெங்காயம்,தக்காளி பேஸ்ட் சேர்த்து வதக்கவும்.
4. நன்கு பச்சை வாடை போகும் வரை வதக்கி,இஞ்சிபூண்டு பேஸ்ட் சேர்த்து வதக்கவும்.
5. பின் வேக வைத்துள்ள மட்டனை சேர்த்து சுருள வதக்கவும். பின் மிளகுதூள் சேர்த்து நன்கு கிளறி,கொத்தமல்லி தூவி பரிமாறவும்.மட்டன் சுக்கா ரெடி.

தலைக்கறி கிரேவி

தேவையான பொருட்கள்:

1. ஆட்டு தலை- 1
2. வெங்காயம்-2
3. தக்காளி-2
4. கறிவேப்பிலை-சிறிது
5. பச்சை மிளகாய்-2
6. இஞ்சிபூண்டு பேஸ்ட்-3 ஸ்பூன்
7. சீரகத்தூள்-1/2 ஸ்பூன்
8. மிளகாய் தூள்-1 ஸ்பூன்
9. தனியா தூள்-1/2 ஸ்பூன்
10. மஞ்சள் தூள்- 1/4 ஸ்பூன்
11. எண்ணெய்-4 ஸ்பூன்
12. பட்டை-1
13. ஏலக்காய்-2
14. கிராம்பு-2
15. உப்பு-1 ஸ்பூன்
16. கொத்தமல்லி-சிறிது
17. தேங்காய் துருவல்- 1 கப்

செய்முறை:

1. கடாயில் எண்ணெய் விட்டு சூடானதும் பட்டை, ஏலக்காய், கிராம்பு, கறிவேப்பிலை,பச்சை மிளகாய் சேர்க்கவும்.
2. பின் பொடியாக நறுக்கிய வெங்காயம் சேர்த்து வதக்கவும்,நன்கு வதங்கியதும் இஞ்சி பூண்டு சேர்த்து வதக்கவும்
3. தக்காளியை சேர்த்து நன்கு மசியும் வரை வதக்கவும்.
4. நன்கு வதங்கியதும் சீரகத்தூள்,மஞ்சள் தூள்,மிளகாய்த்தூள், தனியா தூள், உப்பு சேர்த்து வதக்கவும்.
5. 2 நிமிடம் வதக்கி,அதனுடன் தலைகறியை சேர்த்து 1 கப் தண்ணீர் ஊற்றி குக்கரில் 5 விசில் விடவும்.
6. பின் குக்கரை திறந்து அரைத்து வைத்துள்ள தேங்காய் சேர்த்து 10 நிமிடம் கொதிக்கவிடவும்.
7. தலைக்கறி கிரேவி தயார் கொத்தமல்லி இலை தூவி இட்லி,தோசை, சாதத்துடன் பரிமாறவும்.

மூளை வறுவல்

தேவையான பொருட்கள்:

1. மூளை - 2
2. வெங்காயம் - 1
3. இஞ்சிபூண்டுபேஸ்ட்-1 ஸ்பூன்
4. தக்காளி-1
5. மிளகுத்தூள் - 1 ஸ்பூன்
6. மஞ்சள் தூள் -1/4 ஸ்பூன்
7. மிளகாய்த்தூள்- 1/2 ஸ்பூன்
8. தனியாதூள்- 1 ஸ்பூன்
9. கரம் மசாலா தூள் - 1/4 ஸ்பூன்
10. எண்ணெய் -5ஸ்பூன்
11. உப்பு - 1 ஸ்பூன்
12. கொத்தமல்லி-சிறிது

செய்முறை:

1. ஒரு கடாயில் எண்ணெய் விட்டு சூடானதும் பொடியாக நறுக்கிய வெங்காயம் சேர்த்து நன்கு வதக்கவும்.
2. வெங்காயம் வதங்கியதும் இஞ்சிபூண்டுபேஸ்ட் சேர்த்து வதக்கவும்.
3. பின் பொடியாக நறுக்கிய தக்காளி சேர்த்து வதக்கவும்.
4. தக்காளி நன்கு வதங்கியதும் அதில் மஞ்சள்தூள், மிளகாய்த்தூள், தனியாதூள், கரம் மசாலா தூள்,உப்பு சேர்த்து கிளறவும்.
5. பின் அதில் நன்கு சுத்தம் செய்த மூளையை சேர்த்து வேகவிடவும்.பாதி வெந்ததும் மிளகுதூள் சேர்த்து நன்கு கிளறவும்.
6. சிறு தீயில் வைத்து 2 ஸ்பூன்எண்ணெய் விட்டு நன்கு சுருள வறுக்கவும்.
7. மூளைவறுவல் ரெடியானதும் கொத்தமல்லி தூவி பரிமாறவும்.

குறிப்பு:

குழந்தைகள் விரும்பி உண்ணுவார்கள்.அவர்களுக்கு சாப்பிட எளிதாக இருக்கும்.

மட்டன் மிளகு கிரேவி

தேவையான பொருட்கள் :

1. மட்டன் - 1/2 கிலோ
2. இஞ்சி பூண்டு பேஸ்ட் - 3 ஸ்பூன்
3. வெங்காயம் - 1
4. தக்காளி -1
5. மஞ்சள் தூள் -1/4 ஸ்பூன்
6. மிளகாய் தூள் - 1 ஸ்பூன்
7. தனியா தூள் - 1 ஸ்பூன்
8. பச்சை மிளகாய் - 2
9. கொத்தமல்லி - சிறிது
10. கருவேப்பிலை - சிறிது
11. எண்ணெய் - 4 ஸ்பூன்
12. பட்டை - 2
13. கிராம்பு - 2
14. பிரிஞ்சி இலை - 2
15. சோம்பு - 1/4 ஸ்பூன்
16. உப்பு - 1 ஸ்பூன்
17. மிளகுதூள் - 2 ஸ்பூன்

செய்முறை :

1. குக்கரில் எண்ணெய் ஊற்றி பட்டை, லவங்கம், பிரிஞ்சி இலை,சோம்பு சேர்த்து தாளிக்கவும்.பச்சை மிளகாய் கருவேப்பிலை சேர்த்து வதக்கவும்.
2. பொடியாக நறுக்கிய வெங்காயம் சேர்த்து வதக்கவும் .
3. வெங்காயம் வதங்கியதும் இஞ்சி பூண்டு பேஸ்ட் சேர்த்து வதக்கவும்.
4. பின் தக்காளி சேர்த்து வதக்கி அதில் மஞ்சள் தூள், மிளகாய் தூள்,தனியா தூள் ,உப்பு சேர்த்து வதக்கி அதில் மட்டன் சேர்த்து வதக்கி 3 கப் தண்ணீர் சேர்த்து கிளறவும்.
5. பின் குக்கரை மூடி 6 விசில் விடவும்.
6. குக்கரை திறந்து பின் மிளகுதூள் சேர்த்து நன்கு கிளறவும்.
7. கொத்தமல்லி இலை தூவி பரிமாறவும். மட்டன் மிளகு கிரேவி ரெடி.

மட்டன் மிளகு தொக்கு

தேவையான பொருட்கள்:

1. மட்டன் - 500 கிராம்
2. வெங்காயம் - 1
3. தக்காளி - 1
4. இஞ்சிபூண்டு பேஸ்ட் - 1 ஸ்பூன்
5. பிரியாணிஇலை - 2
6. பட்டை - 2
7. கிராம்பு - 2
8. மிளகு தூள் -1 ஸ்பூன்
9. சீரகம் -1/2 ஸ்பூன்
10. சோம்பு -1/2 ஸ்பூன்
11. மிளகாய் தூள் - 1 ஸ்பூன்
12. தனியாதூள் -1 ஸ்பூன்
13. மஞ்சள் தூள் -1/4 ஸ்பூன்
14. உப்பு - 1 ஸ்பூன்
15. எண்ணெய் - 3 ஸ்பூன்
16. கொத்தமல்லி - சிறிது

செய்முறை :

1. மட்டன் கழுவி குக்கரில் போட்டு மூழ்கும் அளவு தண்ணீர் ஊற்றி 5 விசில் விடவும்.
2. கடாயில் எண்ணெய் ஊற்றி சூடானதும் பட்டை, கரம்பு,இலையை போட்டு தாளிக்கவும்.
3. பிறகு நறுக்கின வெங்காயம் போட்டு வதக்கவும்.
4. வெங்காயம் வதங்கியதும் அதில் இஞ்சிபூண்டு பேஸ்ட் போட்டு வதக்கவும்.
5. வதங்கியதும் தக்காளி சேர்த்து வதக்கவும்.
6. தக்காளி வதங்கியதும் சீரகம் மற்றும் சோம்பு சேர்த்து அரைத்த பேஸ்ட்,மிளகாய் தூள், தனியாதூள், மஞ்சள் தூள் மற்றும் உப்பு போட்டு 2 நிமிடம் பிரட்டி விடவும். மிளகாய் வாசனை போகும் வரை பிரட்டவும்.
7. பின் அதில் வேகவைத்த மட்டன் மற்றும் மட்டன் தண்ணீரை சேர்த்து வதக்கவும்.
8. 10 நிமிடம் வதங்கியதும் மிளகு சேர்த்து கிளறி 5 நிமிடம் வதக்கவும்.
9. பின் கொத்தமல்லி தூவி மிளகு மட்டன் தொக்கு ரெடி. சூடான சாதம், சப்பாத்தி, பூரியுடன் பரிமாறவும்.

செட்டிநாடு மட்டன் குழம்பு

தேவையான  பொருட்கள் : 

1. மட்டன் - அரை கிலோ
2. வெங்காயம் - 1
3. தக்காளி - 1
4. மஞ்சள்பொடி - 1/2 ஸ்பூன்
5. மிளகாய் பொடி - 2ஸ்பூன்
6. தனியா பொடி - 3ஸ்பூன்
7. பட்டை - 2
8. கிராம்பு - 1
9. சோம்பு - 1/2ஸ்பூன்
10. வெந்தயம் - 1/2ஸ்பூன்
11. கருவேப்பில்லை- சிறிது
12. எண்ணெய் - 4 ஸ்பூன்

அரைக்க தேவையானவை :

1. மிளகு - 1ஸ்பூன்
2. சீரகம் - 1ஸ்பூன்
3. சோம்பு - 1ஸ்பூன்
4. பூண்டு - 6 பல்
5. இஞ்சி - ஒரு துண்டு
6. உப்பு - 2 ஸ்பூன்

செய்முறை :

1. ஒரு குக்கரில் மட்டன் சுத்தம் செய்து சிறிது மஞ்சள் தூள், ஒரு ஸ்பூன் எண்ணெய், தண்ணீர் உற்றி 5 விசில் விடவும்.
2. ஒரு கடாயில் மிளகு, சீரகம், சோம்பு மூன்றையும் வறுத்து பூண்டு, இஞ்சி சேர்த்து அரைக்கவும்.
3. கடாயில் எண்ணெய் விட்டு பட்டை, கிராம்பு, சோம்பு, வெந்தயம், கருவேப்பில்லை சேர்த்து தாளித்து பொடியாக நறுக்கிய வெங்காயம், தக்காளி சேர்த்து வதக்கி, அரைத்து வைத்த மசாலாவை போட்டு வதக்கவும்.
4. சிறிது வதக்கி பின் அதில் மிளகாய் தூள், தனியா தூள், மஞ்சள் தூள், உப்பு சேர்த்து வதக்கி, அதில் வேகவைத்த மட்டன் போட்டு நன்கு கொதிக்க விடவும். 
5. குழம்பு கொதித்து வற்றி எண்ணெய் மிதந்தவுடன் இறக்கவும்.

ஆட்டுகால் பாயா

தேவையான பொருட்கள் :

ஆட்டுக்கால் - 6 கால்


வெங்காயம் - 2


தக்காளி - 1


இஞ்சி பூண்டு பேஸ்ட் -2 ஸ்பூன்


கரம் மசாலா - 1/4 ஸ்பூன்


மிளகுத்தூள் - 1 ஸ்பூன்


சீரகத்தூள் - 1 ஸ்பூன்


மல்லித்தூள் - 2 ஸ்பூன்


மஞ்சள் பொடி - 1/4 ஸ்பூன்


மிளகாய் தூள் - 2 ஸ்பூன்


எண்ணெய் - 4 ஸ்பூன்


கறிவேப்பிலை - சிறிது


பச்சை மிளகாய் - 2


தேங்காய் துருவல் - 6 ஸ்பூன்


உப்பு - 2 ஸ்பூன்
கொத்தமல்லி - சிறிது

செய்முறை :

1. ஆட்டுக்காலை கழுவி குக்கரில் போட்டு இஞ்சி பூண்டு விழுது சிறிது, மஞ்சள் தூள் சேர்த்து கால் மூழ்கும் அளவு தண்ணீர் ஊற்றி 10 விசில்  விடவும். 
2. ஒரு கடாயில் கருவேப்பில்லை, வெங்காயம், பச்சை மிளகாய் சேர்த்து வதக்கவும்.
3. வெங்காயம் பொன் நிறமாக வதங்கியதும் அதில் இஞ்சி பூண்டு பேஸ்ட் போட்டு வதக்கி தக்காளி சேர்த்து நன்கு வதக்கவும்.
4. பின் அதில் மஞ்சள் தூள்,தனியாதூள்,மிளகாய் தூள்,கரம் மசாலா, சீரக தூள் சேர்த்து வதக்கி அதில் வேக வைத்துள்ள மட்டன் கால் சேர்த்து கிளறவும்.
5. அரைத்து வைத்த தேங்காய் விழுதை சேர்த்து நன்கு கொதிக்க விடவும்.
6. கொதித்ததும் மிளகு தூள் , கொத்தமல்லி சேர்த்து கிளறி ஆப்பம், தோசையுடன் பரிமாறவும்.

மட்டன் பிரியாணி

தேவையான பொருட்கள் :

மட்டன் - அரை கிலோ
பாஸ்மதி அரிசி - 3 கப்


பட்டை - 2
கிராம்பு -2
பிரிஞ்சி இலை -2
ஏலக்காய் -2
பச்சை மிளகாய் -3
பெரிய வெங்காயம் -2
இஞ்சிபூண்டு பேஸ்ட் - 3 ஸ்பூன்
புதினா - 1/2 கப்
கொத்தமல்லி - 1/2 கப்
தக்காளி -2
எண்ணெய் - 4 கப்
மஞ்சள் தூள்- 1/4 ஸ்பூன்
கரம் மசாலா - 1/2 ஸ்பூன்


மிளகாய் தூள் - 2 ஸ்பூன்
தனியா தூள் - 2 ஸ்பூன்
பிரியாணி மசாலா -2 ஸ்பூன்
உப்பு -3 ஸ்பூன்


கேசரி கலர் - சிறிது
நெய் - 2 ஸ்பூன்

செய்முறை 

1. முதலில் ஒரு பேனில் எண்ணெய் உற்றி காய்ந்ததும் பட்டை,லவங்கம், பிரிஞ்சி இலை மற்றும் ஏலக்காய் போட்டு வதக்கவும்.பின்பு பச்சை மிளகாய், வெங்காயம் சேர்த்துவதக்கவும்.
2. நன்கு வதங்கியதும் இஞ்சி பூண்டு விழுதை சேர்த்து, பச்சை வாடை போகும் வரை வதக்கவும், பின்பு அதில் கொத்தமல்லி, புதினா சேர்த்து வதக்கவும். அதில் வெட்டிவைத்த தக்காளி துண்டுகளை சேர்க்கவும்.
3. பின்பு மஞ்சள் தூள், மிளகாய் தூள், தனியா தூள், கரம் மசாலா தூள் , பிரியாணி மசாலா தூள் சேர்த்து நன்கு வதக்கவும். அதில் வேகவைத்த மட்டன்  துண்டுகளை போட்டு நன்கு கிளறவும்.அதில் உப்பு சேர்த்து நன்றாக கிளறி விடவும். ஒரு மூடி கொண்டு அந்த பாத்திரத்தை மூடவும். அதனுடன் அரை டம்ளர் வேகவைத்த மட்டன் தண்ணீர் சேர்த்து அதை நன்றாக கிளறி விடவும்.
4. இன்னொரு பாத்திரத்தில் தண்ணீர் ஊற்றி அதில் ஒருபட்டை,லவங்கம், பிரிஞ்சி இலைஏலக்காய், உப்பு ஒரு ஸ்பூன் சேர்த்து, தண்ணீர் கொதித்ததும் அதில் அரை மணி நேரம் உர வைத்த பாஸ்மதி அரிசி சேர்த்து, அரிசி முக்கால் பதம் வெந்ததும் அதை வடித்து கொள்ளவும். 
5. மசாலா இருக்கும் பத்திரத்தை அடுப்பில் இருந்து எடுத்துஅதன் மேல் வடித்த பாஸ்மதி அரிசியை போட்டு. கிளறாமல் அரிசி மேல் கேசரி கலர் பொடி அரை தேக்கரண்டி ஸ்பூன் சேர்த்து ஊற்றி விடவும். அதன் மேல் நெய் ஊற்றி Aluminium Foil sheet போட்டு மூடி வைக்கவும்.
6. அடுப்பில் ஒரு தவா வைத்து அதை நன்றாக சூடு செய்யவும், பின்பு அதன் மேல் அந்த பிரியாணி Pan வைத்து அடுப்பை சிம் செய்யவும். அரை மணி நேரம் களித்து மேலே கொத்தமல்லி இலை தூவி நன்கு கிளறி தயிர் பச்சடி, பிரியாணி கத்திரிக்காயுடன் பரிமாறவும். 

மட்டன் குழம்பு

தேவையான பொருட்கள் :

1. மட்டன் - 1/2 கிலோ
2. இஞ்சி பூண்டு பேஸ்ட் - 3 ஸ்பூன்
3. வெங்காயம் - 1
4. தக்காளி -1
5. மஞ்சள் தூள் -1/4 ஸ்பூன்
6. மிளகாய் தூள் - 2 ஸ்பூன்
7. தனியா தூள் - 1 ஸ்பூன்
8. பச்சை மிளகாய் - 2
9. கொத்தமல்லி - சிறிது
10. கருவேப்பிலை - சிறிது
11. எண்ணெய் - 4 ஸ்பூன்
12. பட்டை - 2
13. கிராம்பு - 2
14. பிரிஞ்சி இலை - 2
15. சோம்பு - 1/4 ஸ்பூன்
16. உப்பு - 1 ஸ்பூன்
17. தேங்காய் துருவல் - 1 கப்

செய்முறை :

1. குக்கரில் எண்ணெய் ஊற்றி பட்டை, லவங்கம், பிரிஞ்சி இலை,சோம்பு சேர்த்து தாளிக்கவும்.பச்சை மிளகாய் கருவேப்பிலை சேர்த்து வதக்கவும்.
2. பொடியாக நறுக்கிய  வெங்காயம் சேர்த்து வதக்கவும் .
3. வெங்காயம் வதங்கியதும் இஞ்சி பூண்டு பேஸ்ட் சேர்த்து வதக்கவும்.
4. பின் தக்காளி சேர்த்து வதக்கி அதில் மஞ்சள் தூள், மிளகாய் தூள்,தனியா தூள் ,உப்பு சேர்த்து வதக்கி அதில் மட்டன் சேர்த்து வதக்கி 3 கப் தண்ணீர் சேர்த்து கிளறவும்.
5. பின் குக்கரை மூடி 6 விசில் விடவும்.
6. குக்கரை திறந்து பின் அரைத்து வைத்திருக்கும் தேங்காயை அதில் சேர்க்கவும் நன்கு கொதித்ததும் கொத்தமல்லி இலை தூவி பூரி,சாதத்துடன் பரிமாறவும்.