Pages

தக்காளி சட்னி

தேவையான பொருட்கள்:
  1. தக்காளி - 1
  2. வெங்காயம் - 1
  3. பூண்டு - 3 பல்
  4. கொத்தமல்லி -1/2 கப்
  5. தேங்காய் துருவல் - 3 ஸ்பூன்
  6. கடலை பருப்பு - 1 ஸ்பூன்
  7. உளுத்தம் பருப்பு - 1 ஸ்பூன்
  8. க.மிளகாய்- 3
  9. புளி - சிறிது
தாளிக்க:
  1. கடுகு - ஸ்பூன்
  2. சீரகம் - ஸ்பூன்
  3. கறிவேப்பிலை - சிறிது
  4. பெருங்காயம் - சிறிது
  5. எண்ணெய் - 3 ஸ்பூன்
செய்முறை:

  1. கடாய் வைத்து சூடானதும் உளுத்தம் பருப்பு, கடலைபருப்பு, க.மிளகாய் போட்டு சிவக்க வறுக்கவும்.
  2. அதனுடன் தேங்காய் துருவல் மற்றும் புளி போட்டு ஒரு நிமிடம் வதக்கவும்.
  3. சூடு ஆறியதும் மிக்ஸி ஜாரில் போட்டு அரைக்கவும்.
  4. கடாயில் ஒரு ஸ்பூன் எண்ணெய் ஊற்றி பூண்டு, வெங்காயம், தக்காளி போட்டு வதக்கவும்.
  5. தக்காளி வதங்கியவுடன் கொத்தமல்லி மற்றும் உப்பு சேர்த்து வதக்கவும்.
  6. இந்த கலவை ஆறியவுடன் முதலில் அரைத்த கலவையுடன் சேர்ந்து அரைத்துக் கொள்ளவும்.
  7. கடாயில் ஒரு ஸ்பூன் எண்ணெய் ஊற்றி கடுகு, சீரகம், கறிவேப்பிலை, பெருங்காயம் போட்டு தாளித்து சட்னியில் கொட்டவும்.
  8. சுவையான தக்காளி சட்னி தயார். இது சப்பாத்தி, தோசையுடன் பரிமாறவும்.

பருப்பு பொடி

தேவையான பொருட்கள்:

  1. துவரம் பருப்பு-1 கப்
  2. கடலை பருப்பு-1/2 கப்
  3. க.மிளகாய்-8
  4. பெருங்காயம்-1/4 ஸ்பூன்
  5. மிளகு-1 ஸ்பூன்
  6. உப்பு-1 ஸ்பூன்
செய்முறை:
  1. ஒரு பாத்திரத்தை வைத்து நன்கு சூடானதும் துவரம் பருப்பு போட்டு பொன் நிறமாக வறுக்கவும்.
  2. பின் அதை ஒரு தட்டில் எடுத்து வைத்து கொண்டு அதே கடாயில் கடலைபருப்பு,க.மிளகாய்,மிளகு சேர்த்து வறுத்து கொள்ளவும்.
  3. நன்கு ஆறியதும் மிக்ஸ்யில் போட்டு அத்துடன் பெருங்காயம்,உப்பு அரைத்து கொள்ளவும். பருப்பு பொடி ரெடி இதை சூடான சாதத்துடன் நெய் அல்லது நல்லெண்ணெய் சேர்த்து சாப்பிடவும்.

ஸ்பினச் சப்பாத்தி

ஸ்பினச் (பசலை கீரை) ஆண்டியாக்ஸிடண்ட்கள் கொண்ட கீரை.பசலை கீரை வைட்டமின் A , வைட்டமின் C, வைட்டமின் E, வைட்டமின் கே, மெக்னீசியம், ஃபோலேட், இரும்பு, விட்டமின் B2, கால்சியம், பொட்டாசியம், வைட்டமின் B6, ஃபோலிக் அமிலம், தாமிரம், புரதம், பாஸ்பரஸ் போன்ற உடலுக்கு முக்கியமான சத்துகளை கொண்டது.இப்படி நிறைய சத்துகளை கொண்ட கீரைகளை நாம் தினமும் உணவில் சேர்க்க ஸ்பினச் சப்பாத்தி ஒரு வகை.

தேவையான பொருட்கள் :

  1. கோதுமைமாவு-2 கப்
  2. உப்பு-3/4 ஸ்பூன்
  3. ஸ்பினச்( பசலை கீரை)-1 கப்
செய்முறை:
  1. முதலில் ஸ்பினச் வேகவைத்து மிக்ஸ்யில் அரைத்து கொள்ளவும்.
  2. ஒரு பாத்திரத்தில் கோதுமைமாவு,உப்பு,அரைத்து வைத்த ஸ்பினச், தண்ணீர் சேர்த்து நன்கு மாவை பிசைந்துகொள்ளவும்.
  3. 30 நிமிடம் கழித்து சப்பாத்தி மாவை தேவையான வடிவில் இடவும்.
  4. பின் தவாவை சூடாக்கி சப்பாத்தி போட்டு ரெண்டு பக்கமும் நன்கு வேக விட்டு எடுக்கவும்.
  5. ஸ்பினச் சப்பாத்தி ரெடி.

காலிப்ளவர் 65

IMAG0032.jpgதேவையான பொருட்கள்:
  1. காலிப்ளவர்- 1 சிறியது
  2. கடலைமாவு-4 ஸ்பூன்
  3. மைதா -4 ஸ்பூன்
  4. காரன்மாவு-2 ஸ்பூன்
  5. உப்பு-1 ஸ்பூன்
  6. இஞ்சிபூண்டு பேஸ்ட்-2 ஸ்பூன்
  7. மிளகாய்த்தூள்-1 1/2 ஸ்பூன்
  8. ரெட் கேசரி கலர்-சிறிது
  9. முட்டை-1
  10. லெமன் ஜூஸ் - 2 ஸ்பூன்
  11. தயிர்-4 ஸ்பூன்
செய்முறை:
  1. காலிப்ளவர் பூவை சிறிதாக வெட்டி தண்ணீரில் போட்டு சுத்தம் செய்து வைக்கவும்.
  2. அதை ஒரு பாத்திரத்தில் போட்டு அதில் இஞ்சிபூண்டு பேஸ்ட், கடலைமாவு,மைதா, காரன்மாவு,உப்பு,தயிர்,மிளகாய்த்தூள், முட்டை, லெமன் ஜூஸ், கேசரி கலர் சேர்த்து நன்கு கலந்து கொள்ளவும்.
  3. பின் அதை Fridge  Freezer ல் 30 நிமிடம் வைத்து எடுத்து சூடான எண்ணெயில் நன்கு பொரித்து எடுக்கவும்.
  4. மொரு மொரு காலிப்ளவர் 65 ரெடி.
குறிப்பு:

Fridge ல் வைப்பதால் அதன் மசாலா நன்கு ஒட்டி இருக்கும்.

கார போளி


தேவையான பொருட்கள்:
  1. மைதா -1 கப்
  2. கோதுமைமாவு-1/4கப்
  3. மஞ்சள்தூள்-1/4ஸ்பூன்
  4. உப்பு-சிறிது
  5. நெய்-6 ஸ்பூன்
  6. காரட்- 1
  7. இட்லி மிளகாய்பொடி -2 ஸ்பூன்
பூரணம் செய்ய:
  1. உருளைக்கிழங்கு -1
  2. மிளகாய்த்தூள்-1/2 ஸ்பூன்
  3. உப்பு-1/2 ஸ்பூன்
செய்முறை:

  1. மைதா,கோதுமைமாவு,உப்பு,மஞ்சள்தூள் சேர்த்து நன்கு பிசையவும். பின் அதை 30 நிமிடம் ஊறவிடவும்.
  2. கூகேரில் உருளைக்கிழங்கு,தண்ணீர் சேர்த்து 3 விசில் விடவும்.
  3. தண்ணீர் முழுதும் வடித்து உருளைக்கிழங்கு தோலை நீக்கி நன்கு மசித்துகொள்ளவும்.பின் அதில் மிளகாய்த்தூள்,உப்பு சேர்த்து நன்கு கலந்துகொள்ளவும்.
  4. ஒரு கவரில் நெய் தடவி பிசைந்து வைத்து உள்ள மாவில் ஒரு உருண்டை எடுத்து சிறியதாக தட்டி கொள்ளவும்.
  5. பின் அதன் நடுவில் பூரணத்தை வைத்து நன்கு மூடி உருண்டையாக செய்து கொள்ளவும்.
  6. பின் கையில் நெய் தடவி நன்கு மெலிதாக வரும் வரை தட்டி கொள்ளவும்.
  7. அடுப்பில் ஒரு தவா வைத்து சூடானதும் செய்து வைத்துள்ள போளி போட்டு சிறிது நெய் ஊற்றி ரெண்டு பக்கமும் விடவும்.
  8. பின் அதன் மேல் துருவிய காரட், இட்லி மிளகாய்பொடி தூவி தவாவில் 30 நொடி போட்டு உடனே எடுக்கவும்.

ஸ்வீட் போளி

தேவையான பொருட்கள்:
  1. மைதா -1 கப்
  2. கோதுமைமாவு-1/4கப்
  3. மஞ்சள்தூள்-1/4ஸ்பூன்
  4. உப்பு-சிறிது
  5. நெய்-6 ஸ்பூன்
பூரணம் செய்ய:
  1. கடலைபருப்பு-1கப்
  2. வெல்லம்-1/2கப்
  3. ஏலக்காய்-2
செய்முறை:

  1. மைதா,கோதுமைமாவு,உப்பு,மஞ்சள்தூள் சேர்த்து நன்கு பிசையவும். பின் அதை 30 நிமிடம் ஊறவிடவும்.
  2. கூகேரில் கடலைபருப்பு 2 கப் தண்ணீர் சேர்த்து 4 விசில் விடவும்.
  3. தண்ணீர் முழுதும் வடித்து கடலைபருப்பு,வெள்ளம்,ஏலக்காய் சேர்த்து மிக்ஸ்யில் ஒரு சுற்று சுற்றி கொரகொரப்பாக அரைக்கவும்.
  4. ஒரு கவரில் நெய் தடவி பிசைந்து வைத்து உள்ள மாவில் ஒரு உருண்டை எடுத்து சிறியதாக தட்டி கொள்ளவும்.
  5. பின் அதன் நடுவில் பூரணத்தை வைத்து நன்கு மூடி உருண்டையாக செய்து கொள்ளவும்.
  6. பின் கையில் நெய் தடவி நன்கு மெலிதாக வரும் வரை தட்டி கொள்ளவும்.
  7. அடுப்பில் ஒரு தவா வைத்து சூடானதும் செய்து வைத்துள்ள போளி போட்டு சிறிது நெய் ஊற்றி ரெண்டு பக்கமும் வேகவிட்டு எடுக்கவும்.

அன்னாசிபழம் கேசரி

தேவையான பொருட்கள் :
  1. ரவை – 1 கப்
  2. பால் - 1 கப்
  3. சர்க்கரை – 1 கப்
  4. அன்னாசிபழம்– 1/2 கப்
  5. தண்ணீர் – 1 கப்
  6. முந்திரி-5
  7. திராட்சை - 5
  8. நெய் - 6 ஸ்பூன்
  9. லெமன்கேசரி கலர் -சிறிது
செய்முறை :
  1. ஒரு கடாயில் சிறிதளவு நெய்யை ஊற்றி அதில் ரவையைப் போட்டு பொன்னிறமாக வறுத்து தட்டில் வைத்துக் கொள்ளவும்.
  2. பின் சிறிது நெய் ஊற்றி அதில் முந்திரிபருப்பு,திராட்சை போட்டு வறுத்து அதை தனியாக வைத்து கொள்ளவும்.
  3. அதே கடாயில் சிறிதாக நறுக்கிய அன்னாசிபழம் சேர்த்து வதக்கி ஒரு கப்பில் எடுத்து கொள்ளவும்.
  4. அதே கடாயில் பால், தண்ணீர்,கேசரிகலர் மற்றும் சர்க்கரை சேர்த்து கொதிக்கவிடவும்.
  5. பின்னர் கொதித்த உடன் அதில் வறுத்த ரவை,அன்னாசிபழம் போட்டு கிளறவும்.
  6. கேசரி கெட்டியானதும் இறக்கி, அதன்மேல் வறுத்த முந்திரி, திராட்சை, 3 ஸ்பூன் நெய் சேர்த்து கிளறவும்.

உருளைக்கிழங்கு பொடிமாஸ்

தேவையான பொருட்கள்:

  1. உருளைக்கிழங்கு-2
  2. வெங்காயம்-1
  3. பச்சைமிளகாய்-2
  4. மிளகு-1/2ஸ்பூன்
  5. கருவேப்பிலை-சிறிது
  6. கடுகு-1/4ஸ்பூன்
  7. உள்ளுதம்பருப்பு-1/2ஸ்பூன்
  8. பூண்டு-2 பல்
  9. கொத்தமல்லி-சிறிது
  10. மஞ்சள்தூள்-1/4ஸ்பூன்
  11. உப்பு-3/4ஸ்பூன்
செய்முறை:
  1. உருளைகிழங்கை வேகவைத்து மசித்து கொள்ளவும்.
  2. கடாயில் எண்ணெய் ஊற்றி சூடானதும் கடுகு,உள்ளுதம்பருப்பு,கருவேப்பிலை சேர்த்து பொரிந்ததும் பொடிதாக நறுக்கிய வெங்காயம்,பச்சைமிளகாய் சேர்த்து வதக்கவும்.
  3. அதில் தட்டி வைத்த பூண்டு,மஞ்சள்தூள்,உப்பு சேர்த்து வதக்கி, மசித்துவைத்த உருளைக்கிழங்கு சேர்த்து கிளறவும்.
  4. உருளைக்கிழங்கு பொடிமாஸ் ரெடி கொத்தமல்லி தூவி பரிமாறவும்.

முட்டை கோஸ் பொடிமாஸ்


தேவையான பொருட்கள்:

  1. கோஸ்-2 கப்
  2. வெங்காயம்-1
  3. கடுகு-1/4ஸ்பூன்
  4. உள்ளுதம்பருப்பு-1/2ஸ்பூன்
  5. கடலைபருப்பு-1/2ஸ்பூன்
  6. சீரகம்-1/4ஸ்பூன்
  7. முட்டை-2
  8. உப்பு-1/2ஸ்பூன்
  9. எண்ணெய்-2ஸ்பூன்
  10. கொத்தமல்லி-சிறிது
  11. கருவேப்பிலை-சிறிது
வறுத்து அரைக்க:
  1. க.மிளகாய்-3
  2. உள்ளுதம்பருப்பு-1 ஸ்பூன்
செய்முறை:
  1. கடாயில் க.மிளகாய்,உள்ளுதம்பருப்பு சேர்த்து வறுத்து பொடித்து கொள்ளவும்.
  2. கடாயில் எண்ணெய் ஊற்றி சூடேறியதும் கடுகு, உள்ளுதம்பருப்பு, கடலைபருப்பு,கருவேப்பிலை சேர்த்து பொரிந்ததும் பொடியாக நறுக்கிய வெங்காயம் சேர்த்து வதக்கவும்.
  3. வெங்காயம் வதங்கியதும் பொடியாக நறுக்கிய கோஸ் சேர்த்து வதக்கவும்.
  4. பாதி வெந்ததும் உப்பு,மஞ்சள்தூள்,பொடித்த பொடி சேர்த்து வதக்கவும்.
  5. அதில் முட்டை சேர்த்து வதக்கவும்.முட்டை நன்கு வதங்கியதும் கொத்தமல்லி தூவி பரிமாறவும்.முட்டை கோஸ் பொடிமாஸ் ரெடி.

கிரில் சிக்கன்

தேவையான பொருட்கள்:
  1. சிக்கன்-8(Medium size pieces)
  2. மிளகாய்த்தூள்-1ஸ்பூன்
  3. மஞ்சள்தூள்-1/4ஸ்பூன்
  4. தந்துரிமசாலா-1 1/2 ஸ்பூன்
  5. கேசரி கலர்-சிறிது
  6. உப்பு-1ஸ்பூன்
  7. தயிர்-2 ஸ்பூன்
  8. எண்ணெய்- 2ஸ்பூன்
செய்முறை:
  1. சிக்கனை சுத்தம் செய்து மிளகாய்த்தூள்,மஞ்சள்தூள்,தந்துரிமசாலா,உப்பு , தயிர்,எண்ணெய்,கேசரிகலர் சேர்த்து நன்கு பிசறி 5 மணிநேரம் ஊறவிடவும்.
  2. பின் க்ரில்லரை 350 டிகிரி சூடு செய்து ஊறிய சிக்கன் துண்டுகளை போட்டு நன்கு வேகவிடவும்.
  3. வெந்ததும் அதனுடன் கிரில் செய்த வெங்காயம் ,எலுமிச்சை சாறு சேர்த்து பரிமாறவும்.

பிசிபெலாபாத்


தேவையான பொருட்கள் :

  1. சாதம் - 1 1/2 கப்
  2. துவரம் பருப்பு - 3/4 கப்
  3. கத்தரிக்காய் - 1
  4. காரட் - 1
  5. முருங்கைகாய் - 1
  6. மஞ்சள் தூள் - 1/4 ஸ்பூன்
  7. க. மிளகாய் - 6
  8. கடுகு - 2 ஸ்பூன்
  9. கருவேப்பில்லை - சிறிது
  10. கொத்தமல்லி -சிறிது
  11. புளி- சிறிய உருண்டை
  12. நெய் - சிறிது
  13. உப்பு - 2 ஸ்பூன்

அரைக்க :


  1. வெந்தயம் - 1ஸ்பூன்
  2. மல்லி தூள் -1ஸ்பூன்
  3. மிளகாய் தூள் -1 1/2ஸ்பூன்
  4. துருவிய தேங்காய் -4ஸ்பூன்
  5. ஏலக்காய் - 2
  6. கிராம்பு -4
  7. கசகசா - 1ஸ்பூன்
  8. பட்டை - சிறிய துண்டு


செய்முறை :



  1. பிரஷர் கூகரில் அரிசி, பருப்பு, மஞ்சள் தூள், பெருங்காயம்,காய், எண்ணெய்,  4 கப் தண்ணீர் சேர்த்து 5 விசில்விடவும்.
  2. ஒரு கடாய் வைத்து எண்ணெய் உற்றி காய்ந்ததும் அதில் பட்டை, கிராம்பு, துருவிய தேங்காய், கசகசா, வெந்தயம் சேர்த்து ஒரு நிமிடம் வதக்கி அதனுடன் மிளகாய் தூள், மல்லி தூள் சேர்த்து அரைத்து வைக்கவும்.
  3. இன்னொரு கடாய் வைத்து 5 ஸ்பூன் எண்ணெய் உற்றி கடுகு, க.மிளகாய் சேர்த்து பொரிந்ததும் அத்துடன் வெங்காயம் போட்டு வதக்கவும்.
  4. வெங்காயம் வதங்கியதும் தக்காளி சேர்த்து நன்கு வதக்கி, புளி சாரு மற்றும் அரைத்து வைத்த மசாலாவுடன் 2 கப் தண்ணீர் உற்றி கொதிக்கவிடவும்.
  5. கொதித்ததும் வேகவைத்த அரிசி பருப்பு கலவை சேர்த்து கிளறவும்.
  6. நன்கு கிளறியதும் அதனுடன் நெய் சேர்த்து பரிமாறவும்.
  7. இதை உருளைகிழங்கு வறுவலுடன் சாபிட்டால் சூப்பர்.









கருவேப்பிலை பொடி

தேவையான பொருட்கள்:
  1. கருவேப்பிலை-2 கப்
  2. உள்ளுதம்பருப்பு-1/4 கப்
  3. கடலைபருப்பு-2 ஸ்பூன்
  4. க.மிளகாய்-5
  5. பூண்டு-1 பல்
  6. உப்பு-3/4 ஸ்பூன்


செய்முறை :

  1. கருவேப்பிலை சுத்தம் செய்து ஒரு கடாயில் போட்டு நன்கு வறுத்துகொள்ளவும்.
  2. நன்கு வறுத்ததும் ஒரு தட்டில் கொட்டி கொள்ளவும்.பின் அதே கடாயில் உள்ளுதம்பருப்பு,கடலைபருப்பு,க.மிளகாய் சேர்த்து நன்கு வறுத்து கொள்ளவும்.
  3. வறுத்ததும் நன்கு ஆறவைத்து கொள்ளவும்.
  4. மிக்ஸ்யில் கருவேப்பிலை சேர்த்து அரைக்கவும்.பின் வறுத்துவைத்த பருப்பு,க.மிளகாய்,உப்பு,பூண்டு சேர்த்து அரைக்கவும்.
  5. கருவேப்பிலை பொடி ரெடி.இட்லி,தோசை,சூடான சாதத்துடன் சாபிடலாம்.

லெமன் ரசம்

தேவையான பொருட்கள்:
  1. தக்காளி- 2
  2. எலுமிச்சை -1
  3. பூண்டு - 3 பல்
  4. ரசப் பொடி-1/2 ஸ்பூன்
  5. சீரகம்-1/2 ஸ்பூன்
  6. மிளகு- 1/2 ஸ்பூன்
  7. கொத்தமல்லி-சிறிது
  8. மஞ்சள்தூள்-1/4ஸ்பூன்
  9. உப்பு - 3/4 ஸ்பூன்
  10. வேகவைத்த பருப்பு - 1/4 கப்
  11. எண்ணெய்-1ஸ்பூன்
  12. கடுகு -1/4 ஸ்பூன்
  13. காய்ந்த மிளகாய் - 2
  14. கறிவேப்பிலை -சிறிது
  15. பெருங்காயதூள்-சிறிது
செய்முறை:

  1. ஒரு கடாயில் எண்ணெய் விட்டு சூடானதும் கடுகு, கறிவேப்பிலை, காய்ந்த மிளகாய் சேர்த்து பொரிந்ததும்,சீரகம்,மிளகு,பூண்டுஅரைத்து சேர்த்து வதக்கவும்.
  2. பின் அதில் மசித்துவைத்த தக்காளி, மஞ்சள்தூள், உப்பு, ரசபொடி, வேகவைத்த பருப்பு,பெருங்காயதூள் சேர்த்து ஒரு கொதிவிடவும்.
  3. ஒரு பாத்திரத்தில் எலுமிச்சைசாறு வைத்து அதில் ரசத்தை ஊற்றி கலந்து கொத்தமல்லி இலை தூவி பரிமாறவும்.சுவையான லெமன் ரசம் ரெடி.
குறிப்பு:

ரசத்தை அதிக நேரம் கொதிக்க விடகூடாது

மூளை வறுவல்


      தேவையான பொருட்கள்:
      1. மூளை - 2
      2. வெங்காயம் - 1
      3. இஞ்சிபூண்டுபேஸ்ட்-1 ஸ்பூன்
      4. தக்காளி-1
      5. மிளகுத்தூள் - 1 ஸ்பூன்
      6. மஞ்சள் தூள் -1/4 ஸ்பூன்
      7. மிளகாய்த்தூள்- 1/2 ஸ்பூன்
      8. தனியாதூள்- 1 ஸ்பூன்
      9. கரம் மசாலா தூள் - 1/4 ஸ்பூன்
      10. எண்ணெய் -5ஸ்பூன்
      11. உப்பு - 1 ஸ்பூன்
      12. கொத்தமல்லி-சிறிது
      செய்முறை:
      1. ஒரு கடாயில் எண்ணெய் விட்டு சூடானதும் பொடியாக நறுக்கிய வெங்காயம் சேர்த்து நன்கு வதக்கவும்.
      2. வெங்காயம் வதங்கியதும் இஞ்சிபூண்டுபேஸ்ட் சேர்த்து வதக்கவும்.
      3. பின் பொடியாக நறுக்கிய தக்காளி சேர்த்து வதக்கவும்.
      4. தக்காளி நன்கு வதங்கியதும் அதில் மஞ்சள்தூள், மிளகாய்த்தூள், தனியாதூள், கரம் மசாலா தூள்,உப்பு சேர்த்து கிளறவும்.
      5. பின் அதில் நன்கு சுத்தம் செய்த மூளையை சேர்த்து வேகவிடவும்.பாதி வெந்ததும் மிளகுதூள் சேர்த்து நன்கு கிளறவும்.
      6. சிறு தீயில் வைத்து 2 ஸ்பூன்எண்ணெய் விட்டு நன்கு சுருள வறுக்கவும்.
      7. மூளைவறுவல் ரெடியானதும் கொத்தமல்லி தூவி பரிமாறவும்.
      குறிப்பு:

      குழந்தைகள் விரும்பி உண்ணுவார்கள்.அவர்களுக்கு சாப்பிட எளிதாக இருக்கும்.

      வெந்தய கீரை பருப்பு கிரேவி

      வெந்தய கீரைகள் சிறந்த செரிமானம் திறன்களை கொண்ட உணவு.நீங்கள் வெந்தய கீரை சாப்பிட்டு வந்தால் செரிமான கோளாறுகள் மற்றும் இரும்புச்சத்து குறைபாடு போன்ற பொதுவான செரிமான பிரச்சினைகள் வராது.வெந்தய கீரை மார்பக மற்றும் பெருங்குடல் புற்றுநோய் வராமல் பாதுகாக்கும்.

      தேவையான பொருட்கள்:
      1. வெந்தய கீரை - 1கட்டு
      2. துவரம்பருப்பு - 1/2 கப்
      3. சிறுபருப்பு - 1/4 கப்
      4. வெங்காயம்-1
      5. பூண்டு-5 பல்
      6. கடுகு-1/4 ஸ்பூன்
      7. உள்ளுதம்பருப்பு-1/4ஸ்பூன்
      8. மஞ்சள்தூள்-1/4ஸ்பூன்
      9. பச்சைமிளகாய்-2
      10. க.மிளகாய் - 2
      11. உப்பு-1 ஸ்பூன்
      12. பெருங்காயம் -சிறிது
      13. எண்ணெய் - 2 ஸ்பூன்
      செய்முறை :
      1. முதலில் பருப்பு,கீரை சுத்தம் செய்து கொள்ளவும்.
      2. அதை கூகேரில் போட்டு 3 கப் தண்ணீர் ஊற்றி,மஞ்சள்தூள்,3பல்பூண்டு, நறுக்கிய பாதி வெங்காயம் ,பச்சைமிளகாய் ,பெருங்காயம்,1 ஸ்பூன் எண்ணெய் சேர்த்து 5 விசில்விடவும்.
      3. பின் ஒரு கடாயில் எண்ணெய் ஊற்றி சூடானதும் கடுகு,உள்ளுதம்பருப்பு, க.மிளகாய் சேர்த்து தாளிக்கவும்.
      4. பின் அதில் பொடியாக நறுக்கிய வெங்காயம் ,தட்டி வைத்த பூண்டு சேர்த்து நன்கு வதக்கவும்.
      5. கூகர் சூடுஆறியதும் அதை எடுத்து உப்பு சேர்த்து மிக்ஸியில் லேசாக அரைத்து கொள்ளவும்.
      6. கடாயில் வெங்காயம் வதங்கியதும் அதை எடுத்து அரைத்து வைத்ததை சேர்த்து கலக்கி சூடான சாதத்துடன் பரிமாறவும்.