மைதா தோசை

தேவையான பொருட்கள்:

1. மைதா மாவு - 1 கப்
2. அரிசி மாவு - 1 கப்
3. மோர் - 1/4 கப்
4. சீரகம் - 1 ஸ்பூன்
5. கொத்தமல்லி - சிறிதளவு
6. உப்பு - 3/4 ஸ்பூன்
7. எண்ணெய் - சிறிது 

செய்முறை:

1. ஒரு பாத்திரத்தில் மைதா மாவு, அரிசி மாவு, மோர், சீரகம், கொத்தமல்லி, உப்பு மற்றும் தேவையான அளவு தண்ணீர் விட்டு, தோசை மாவு பதத்திற்கு கரைத்துக் கொள்ள வேண்டும்.
2. பின்னர் தோசைக் கல்லை அடுப்பில் வைத்து, காய்ந்ததும் அதில் இந்த தோசை மாவை, மெல்லிய தோசைகளாக விட்டு, முன்னும் பின்னும் வேக வைத்து, மொறுமொறுவென்று சுட்டு எடுக்கவும்.
3. ஈஸியான மைதா தோசை ரெடி. இதனை தேங்காய் சட்னி, தக்காளி சட்னியுடன் பரிமாறவும்.

பிரட் உதாப்பம்

தேவையான பொருட்கள்:

1. பிரட்- 6 துண்டு
2. ரவை-1 கப்
3. தயிர்-1 கப்
4. வெங்காயம்-1
5. பச்சை மிளகாய்-4
6. காரட்-1
7. கொடைமிளகாய்-1
8. உப்பு-3/4 ஸ்பூன்
9. கொத்தமல்லி-சிறிது
10. எண்ணெய் -3 ஸ்பூன்

செய்முறை:

1.  பாத்திரத்தில் ரவை,தயிர் சேர்த்து நன்கு கிளறி 1 மணிநேரம் மூடிவைக்கவும்.
2. பின் அதில் பொடியாக நறுக்கிய வெங்காயம்,பச்சைமிளகாய்,துருவிய காரட்,துருவிய கொடைமிளகாய்,பொடியாக நறுக்கிய கொத்தமல்லி,உப்பு சேர்த்து நன்கு கிளறவும்.
3. அடுப்பில் ஒரு தவாவை வைத்து சூடானதும் ஒரு பிரட் துண்டை எடுத்து அதில் ரெடி பண்ணி வைத்துள்ள பேஸ்டை ஒரு ஸ்பூனால்  இருபக்கமும் தடவி தவாவில் சப்பாத்தி போல வேகவைத்து எடுக்கவும். 
4. உதாப்பம் வேகும் போது சிறிது எண்ணெய் ஊற்றி இரு பக்கமும் நன்றாக வேகவைத்து எடுத்தால் பிரட் உதாப்பம் ரெடி.