குட்டீஸ் முதல் பெரியோர் வரை நம் கிட்செனில் வெங்காய சமோசா சமைத்தால். ரெடியா சமோசா சமைக்க, வாங்க போலாம் கிட்செனுக்கு.
தேவையான பொருட்கள்:
- மைதா மாவு - 1 கப்
- கோதுமைமாவு-1 கப்
- வெங்காயம்-1
- மிளகாய்த்தூள்-3/4 ஸ்பூன்
- உப்பு-1 ஸ்பூன்
- அவல் - 1/4 கப்
- எண்ணெய்- பொரிக்க
செய்முறை:
- முதலில் மைதாமாவு,கோதுமைமாவு,1/2 ஸ்பூன் உப்பு, 2 ஸ்பூன் எண்ணெய் மற்றும் தண்ணீர் சேர்த்து நன்கு சப்பாத்தி மாவு போல பிசையவும்.
- பின் அதை அரை மணி நேரம் ஊறவிடவும்.
- பாத்திரத்தில் மெலிதாக நீளவாக்கில் வெட்டிவைத்த வெங்காயம்,உப்பு, மிளகாய்த்தூள்,அவல் சேர்த்து கலந்து கொள்ளவும்.( அடுப்பில் வைத்து சமைக்க தேவையில்லை).
- பிசைந்து வைத்த மாவை எடுத்து நன்கு திரட்டி கொள்ளவும்.
- அதை சமோசா வடிவில் Cone போல செய்து அதன் உள்ளே மசாலாவை வைத்து மூடவும்.
- அனைத்தையும் சமோசா வடிவில்,உள்ளே மசாலா வைத்து ரெடி செய்து கொள்ளவும்.
- பின் கடாயில் எண்ணெய் வைத்து நன்கு சூடேறியதும் சமோசாவை போட்டு மிதமான தீயில் நன்கு சிவக்க பொரித்து எடுக்கவும்.
குறிப்பு:
அவல் சேர்ப்பதால் வெங்காயத்தில் இருந்து வரும் தண்ணீர் பதத்தை அது உறிஞ்சிகொள்ளும். ஒரு பாத்திரத்தில் 1 ஸ்பூன் மைதா சிறிது தண்ணீர் சேர்த்து பேஸ்ட் போல செய்து, அதை சமோசாவை மசாலா வைத்து மூடும் போது பேஸ்ட் போல ஓரத்தில் தடவி ஒட்டவும்.அது சமோசா பிரிந்து வராமல் இருக்க உதவும்.
