ரவா லட்டு

தேவையான பொருட்கள்:

1. ரவை -1 கப்
2. நெய் – 5 ஸ்பூன்
3. சர்க்கரை - 1/2 கப்
4. ஏலக்காய்பொடி- 1/4 ஸ்பூன்
5. திராட்சை- 10
6. முந்திரி - 10
7. பால் - 1/4 கப்

செய்முறை:

1. கடாயில் நெய்யை ஊற்றி சூடானதும் அதில் முந்திரி திராட்சையை போட்டு வறுத்து தனியே எடுத்துவைக்கவும்.
2. அதே நெய்யில் ரவையை போட்டு நன்றாக வறுத்துகொள்ளவும்.ரவை பச்சை வாடை போகும் வரை வறுக்கவும்.
3. ரவையில் வறுத்த முந்திரி திராட்சை, ஏலக்காய் பொடி, பொடித்த சர்க்கரை சேர்த்து கலக்கவும்.
4. இதில் பாலை சிறிது சிறிதாக ஊற்றி கலக்கவும்.
5. அதை சிறு சிறு உருண்டைகளாக பிடித்து வைக்கவும். சுவையான ரவா லட்டு ரெடி.

குறிப்பு:

உருண்டை பிடிக்கும் அளவுக்கு பால் ஊற்றினால் போதும்.