டபுள் பீன்ஸ் கிரேவி

தேவையான பொருட்கள்:

1. டபுள் பீன்ஸ் - 1 கப்
2. வெங்காயம் -1
3. தக்காளி-1
4. இஞ்சி - சிறிது
5. பூண்டு -5 பல்
6. பட்டை-2
7. கிராம்பு-2
8. ஏலக்காய் -2
9. சோம்பு -1/4ஸ்பூன்
10. சீரகம் -1/4 ஸ்பூன்
11. மிளகாய்த்தூள்-1 ஸ்பூன்
12. தனியாதூள்-1/2 ஸ்பூன்
13. மஞ்சள்தூள்-1/4 ஸ்பூன்
14. உப்பு-1 ஸ்பூன்
15. கொத்தமல்லி-சிறிது
16. எண்ணெய் - 4 ஸ்பூன்

செய்முறை :

1. முதலில் டபுள் பீன்ஸ் 5 மணி நேரம் தண்ணீர் ஊற்றி ஊறவிடவும்.
2. பின் அதை ஒரு குக்கரில் டபுள் பீன்ஸ்,1/4 ஸ்பூன் உப்பு,தண்ணீர் சேர்த்து 3 விசில் விடவும்.
3. கடாயில் 2 ஸ்பூன் எண்ணெய் ஊற்றி சூடானதும் பட்டை,கிராம்பு, ஏலக்காய்,சோம்பு,சீரகம் சேர்த்து வதக்கவும்.
4. பொரிந்ததும் வெங்காயம் சேர்த்து வதக்கவும்.
5. வெங்காயம் வதங்கியதும், சிறிதாக நறுக்கிய இஞ்சி,பூண்டு சேர்த்து வதக்கவும்.
6. பின் அதில் தக்காளி சேர்த்து நன்கு வதக்கவும்.
7. தக்காளி வதங்கியதும் மிளகாய்த்தூள்,தனியாதூள், மஞ்சள்தூள், உப்பு சேர்த்து மிளகாய்த்தூள் வாசனை போக்கும் வரை சிறு தீயில் வதக்கவும்.
8. பின் அடுப்பை அணைத்து மசாலாவை ஆறவிடவும்.
9. ஆறியதும் மிக்ஸ்யில் சிறிது தண்ணீர் சேர்த்து வதக்கிவைத்த மசாலாவை நன்றாக அரைக்கவும்.
10. பாத்திரத்தில் மீதமுள்ள எண்ணெய் ஊற்றி சூடானதும் அரைத்துவைத்த மசாலாவை சேர்த்து 1 கப் தண்ணீர்,வேகவைத்த டபுள் பீன்ஸ் சேர்த்து கொதிக்கவிடவும்.
11. 10 நிமிடம் கொதித்ததும் கொத்தமல்லி தூவி கிளறி சப்பாத்தி, தோசையுடன் பரிமாறவும்.

குறிப்பு :

கிரேவி இன்னும் சுவையாக இருக்க 10 முந்தரி பருப்பு வறுத்து அரைக்கும் மசாலாவில் சேர்க்கலாம்.