மோர் குழம்பு

தேவையான பொருட்கள் :

1. தயிர் - 1 கப்
2. மஞ்சள் தூள் - 1/2 ஸ்பூன்
3. உப்பு - 1 ஸ்பூன்
4. கருவேப்பில்லை - 4
5. கொத்தமல்லி - சிறிது

அரைக்க வேண்டியவை :

1. தேங்காய் - 2 ஸ்பூன்
2. துவரம் பருப்பு - 1 ஸ்பூன் ( அரைமணி நேரம் உர வைக்கவும் )
3. மல்லி தூள் - 1 ஸ்பூன்
4. இஞ்சி - 1 துண்டு
5. சீரகம் -1 ஸ்பூன்
6. பச்சை மிளகாய் - 3

தாளிக்க வேண்டியவை :

1. கடுகு -1/2 ஸ்பூன்
2. எண்ணெய்-1 ஸ்பூன்
3. கருவேப்பில்லை - சிறிது

செய்முறை :

1. எண்ணெய்காய்ந்ததும்கடுகு, கருவேப்பில்லை சேர்க்கவும்.
2. சிறிது தண்ணீர் சேர்த்து அரைக்க வேண்டிய பொருட்களை அரைத்து கடுகு பொரிந்ததும் சேர்த்து கிளறவும்.
3. பின்பு அதனுடன் அரை கப் தண்ணீர் சேர்த்து 10 நிமிஷம் கொதிக்க விடவும்.
4. நன்கு கொதித்ததும் அடுப்பை குறைத்து வைத்து அதனுடன் தயிர், மஞ்சள் தூள் , உப்பு சேர்த்து அடித்து வைத்ததை சேர்க்கவும்.
5. 2 நிமிடம் பிறகு எடுத்து கொத்தமல்லி சேர்த்து பரிமாறவும்.

குறிப்பு : நீங்கள் இதனுடன் வெண்டைக்காய் வதக்கி சேர்க்கலாம்.