ப்ராக்கலி பொரியல்

ப்ராக்கலி காய் ஒரு முட்டை கோஸ் குடும்பத்தை சேர்ந்தது. பார்க்க பச்சை காலிப்ளவர் போல இருக்கும். ப்ராக்கலி வைட்டமின் C மற்றும் நார்சத்து உள்ள காய். ப்ராக்கலி புற்றுநோய் எதிர்ப்பு பண்புகள் கொண்டது.


தேவையான பொருட்கள் :

ப்ராக்கலி - 1 கப்
காய்ந்த‌‌ மிள‌காய் -2
கடுகு - 1/4 ஸ்பூன்
உளுத்தம்பருப்பு - 1/2ஸ்பூன்
சீரகம் - 1/4 ஸ்பூன்
வெங்காய‌ம் -1
பூண்டு - 2 ப‌ல்
மஞ்சள் தூள் - 1/4 ஸ்பூன்
சிறு ப‌ருப்பு - 1 /4 கப்
தேங்காய் துருவ‌ல் - 2 ஸ்பூன்
எண்ணெய்‍- 1 ஸ்பூன்
உப்பு - ‍1 /2 ஸ்பூன்

செய்முறை :

1. ஒரு பாத்திரத்தில் சிறு பருப்பு ,தண்ணீர் சேர்த்து 15 நிமிடம் வேகவிடவும்
2. கடாயில் எண்ணெய் உற்றி சூடானதும் கடுகு, உளுத்தம்பருப்பு, சீரகம், காய்ந்த மிளகாய் சேர்த்து பொரிந்ததும் வெங்காயம், பூண்டு சேர்த்து வதக்கவும்.
3. வெங்காயம் வதங்கியதும் ப்ராக்கலி,உப்பு,மஞ்சள் தூள் சேர்த்து வதக்கவும்.
4. பாதி வெந்ததும் வேகவைத்த தண்ணீர் நீக்கிய சிறுபருப்பு, தேங்காய் துருவல் சேர்த்து வதக்கி 2 நிமிடம்  வேகவிடவும்.

குறிப்பு :

சிறுபருப்பு microwave வில் 10 நிமிடம் வேகவைத்து எடுக்கலாம்.